त्यो वेलामा द्वितीय विश्वयुद्ध घमासान रुपमा चलिरहेको थियो । युद्धमा सामेल सबै देश र देशभक्त पूरा जोडजोडले युद्ध गरेर आफ्नो वीरताको परिचय दिइरहेका थिए । उनीहरुमा एक थिए गेस्टलो ।
गेस्टलो जर्मन हवाई अफिसर थिए । जो आफ्नो अदम्य साहस र बहादुरीले दुश्मनलाई चकित पारिरहेका थिए । ३ जुलाई, १९४३ मा उनी शौर्य प्रदर्शन गर्दै आकाशमा विचरण गरिरहेका थिए, तब थाहा छैन कहाँबाट गोली आयो र उनको विमानको पेट्रोल ट्याङ्कीमा लाग्यो र केही क्षणमा विमान जल्न थाल्यो ।
गेस्टलो प्यारासुटको सहायताले झर्न लागेका थिए तब उनको आँखा रुसी ट्रकमा प¥यो जो गोलाबारुद, पेट्रोल इत्यादि लिएर गइरहेको थियो । अचानक गेस्टलोले निर्णय गरे र विमान छोड्ने विचार त्यागिदिए र जहाज चालकको कुर्सीमा गएर बसे अनि जलिरहेको विमानको दिशा ट्रकतिर मोडे । केही क्षणमा विमान ट्रकमा गएर ठोक्कियो र सबै वाहन तीव्र विस्फोटमा जलेर नष्ट हुनथाले, त्यो सँगै नष्ट भयो गेस्टलोको शरीर । निश्चय नै उनले आफ्नो जीवनभन्दा धेरै देशको स्वतन्त्रता चाहेका थिए ।
साभारः ‘प्रेरक प्रसङ्हरु’ पुस्तकबाट
