सेयर बजारको स्थीति अहिले निराशाजनक छ । आइतबार सेयर कारोबार मापक नेप्से परिसूचक ३० दशमलव ७७ अंकले घटेर १९ सय ३८ दशमलव २५ बिन्दुमा पुगेको छ । अगिल्लो सातापनि नेप्से परिसूचकमा हरियाली छाएन ।
आघिल्लो हप्ता ५ दिन कारोबार भएकोमा ४ दिन नेप्से परिसूचक ओरालो लाग्यो । साताभरमा साढे ५३ अंक घटेर १९ सय ६९ अंकमा बन्द भयो । २०७८ भदौ २ गते ३ हजार १ सय ९८को बिन्दुमा पुगेको सेयर बजार सूचक नेप्से त्यसपछि निरन्तर ओरालो लागेको छ । नयाँ सरकार बनेपछि केहि सुधार भएको सेयर बजार अहिले फेरि ओरालो लागेको छ । र
राजनीतिक परिवर्तन, सेयर बजारमा लगानी गर्ने कम्पनीको समग्र वित्तिय अवस्था, कर्जा बढ्दो ब्याजदर, नेपाल धितोपत्र बोर्ड जस्ता नियामक निकायले सेयर बजारमा प्रभाव पार्ने जानकारहरुको भनाइ छ ।
नेपाली बजारमा दुई सय भन्दा बढी कम्पनी सूचीकृत छन् । यसमा व्यापार तथा उत्पादनमूलक र होटेलजस्ता कम्पनीको संख्या निकै थोरै छ । सेयर बजारमा नियमित कारोबार हुने कम्पनीको संख्या समेत कम छ । बजारमा घटबढ हुनु यसको विशेषता नै मानिन्छ । आईतबार ओरालो लागेको सेयर बजार मंगलवार १४ दशमलव ४१ अंकले बढेर १ हजार ९ सय ५२ दशमलव ६६ बिन्दुमा पुगेर बन्द भएको छ ।
तर समग्र रुपमा सेयर बजार निरन्तर ओरालो लाग्दा यसले लगानिकर्ताहरु घाटामा छन् । अर्थतन्त्रको मेरुदण्डका रूपमा रहेको सेयर बजार मार्फत सरकारले गत वर्ष १० अर्ब ३५ करोड राजस्व संकलन गरेको थियो । तर अहिले सेयर बजारमा लगानीकर्ताले १४ खर्ब गुमाइसकेका छन् । त्यसैले, जानकारहरु सेयरका मुल्य, मान्यता र सिद्दान्तका बारेमा बुझेर मात्र सेयरको दोस्रो बजारमा प्रवेश गर्न सुझाव दिन्छन् ।
डिम्याट खाता प्रयोगकर्ता छन् । ४२ लाख मेरो सेयर प्रयोगकर्ता छन् । आइपीओका लागि एक पटकमा २६ लाख सम्मले आवेदन दिएको रेकर्ड छ । यस अनुसार अहिले कुल जनसंख्याको २० प्रतिशत नागरिक सेयर बजारमा जोडीएका छन् । सेयर बजारमा लगभग २० प्रतिशतको सहभागिता रहेको भएपनि सेयर बजारमा सवैभन्दा धेरै प्रभाव पार्ने लगानीकर्ताको मनोज्ञिानले असर गर्ने भएकोले सेयर बजारका विषयमा जानकारी नभएर आउने लगानीकर्ताले समेत बजारको अवस्थालाई प्रभाव पार्ने गर्छ ।
त्यसमाथी सेयर बजारलाई सवैभन्दा जोखिम भएको क्षेत्रका रुपमा लिने गरिन्छ । त्यसैले बजारमा प्रवेश गर्नुअघि यसका विषयमा सामान्य जानकारी लिन आवश्यक भएको जानकारहरुको सुझाव छ ।
