कमाएको धनबाट दान गरिएन भने त्यसको महत्व समाप्त हुनेछ –चाणक्य

चाणक्यका केही अमर वाणीहरुः

१. सत्संग र धर्माचरण गर्दै नित्य परमात्माको स्मरण गर्नु पर्छ र त्यस संसारको नश्वरतालाई बुझ्नुपर्छ । सत्संगत्को अगाडि दुष्टको साथमा केही पनि छैन ।
२. जसको हातमा क्षमाको धनुष छ, दुर्जनले उसको केही बिगार्न सक्दैन ।
३. समुद्रको मर्यादा प्रसिद्ध छ कि त्यसमा जति जल मिसिए पनि उसको आफ्नो मर्यादा छोड्दैन । तर प्रलयकालमा समुद्रको मर्यादा पनि छिन्न भिन्न भएर छरिन्छ । तर सन्तपुरुष आफ्नो कर्तव्य पथबाट कहिल्यै पछि सर्दैनन् । अतः समुद्रको विशालता सन्तपुरुषका हृदयको विशालता अगाडि तुच्छ छ ।
४. ठूलाठूला भयानक लहरले धरतीलाई निल्दछन्, तर सन्त पुरुषले कठिनतम परिस्थितिमा पनि आफ्नो मर्यादा छोड्दैनन् । त्यसैले सन्तलाई समुद्रभन्दा गम्भीर र मर्यादित मानिन्छ ।
५. जस्तो देश त्यस्तै भाषा, जस्ता राजा त्यस्तै प्रजा, जस्तो भूमि त्यस्तै जल, जस्तो बीज त्यस्तै अंकुर ।
६. राजाको, विद्वान्को र कन्याका पिताको वचन वा कथन अटल हुन्छ । यिनका वचन फर्काउन सकिन्न । यसैगरी शुभ कर्मका लागि बारम्बार भन्नु पर्दैन ।
७. तलाउको पानी एकै ठाउँमा अडिरहेमा गन्हाउँछ । त्यसैगरी कमाएको धनबाट दान गरिएन भने त्यसको महत्व समाप्त हुनेछ ।

साभारः ‘महापुरुषहरुका अमर वाणी’ पुस्तकबाट