माओवादी केन्द्रका अध्यक्ष पुष्पकमल दाहाल ‘प्रचण्ड’ले जनताले देशको साँचो माओवादीलाई सुम्पन चाहेको बताएका छन् । उनले निर्वाचनपछि माओवादी फेरि देशको निर्णायक शक्तिका रूपमा देखा पर्ने बताए ।
बिहीबार पेरिसडाँडास्थित पार्टी कार्यालयमा आयोजित कार्यक्रममा उनले भने, ‘मंसिर ४ गते हुने निर्वाचनमा माओवादी केन्द्र सबैभन्दा ठूलो कम्युनिष्ट पार्टी बन्ने विश्वास दिलाउन चाहन्छु ।
अध्यक्ष प्रचण्डले आगामी प्रतिनिधिसभा र प्रदेशसभाको निर्वाचनको तयारीलाई तीव्रता दिन पार्टीका नेता तथा कार्यकर्तालाई आग्रह गरेका छन् । उनले गत निर्वाचनबाट पाठ सिकेर प्रतिनिधिसभा र प्रदेशसभाको निर्वाचनमा थप राजनीतिक स्थान खोज्न पार्टी लाइनमा रहेका जनतालाई आग्रह गरे ।
