काठमाडौँ । भारतीय क्रिकेटर पृथ्वी शा र उनकी प्रेमिका आकृति अग्रवालबीच सम्बन्ध टुटेको छ ।
आकृतिले सामाजिक सञ्जालमार्फत आफूहरू आपसी सहमतिमा अलग भएको जानकारी दिएकी छन् । आकृतिले भविष्यका लक्ष्य र परिस्थितिहरू फरक भएकाले अलग हुने निर्णय गरेको बताएकी छन् । उनले एकअर्काप्रति माया र ख्याल हुँदाहुँदै पनि बाटो अलग भएको भन्दै आफ्नो व्यक्तिगत जीवनको सम्मान गर्न र यस विषयमा अड्कलबाजी नगर्न आग्रह गरेकी छन् ।
पृथ्वी र आकृतिले २०२६ मार्च ८ मा इन्गेजमेन्ट समेत गरेका थिए । इन्गेजमेन्ट गरेको करिब छ महिनापछि उनीहरू अलग भएका हुन् । पृथ्वी शाले २०१८ मा भारतलाई १९ वर्षमुनिको विश्वकप जिताउन कप्तानी गरेका थिए । उनले सोही वर्ष टेस्ट क्रिकेटमा पदार्पण गर्दै शतक बनाएका थिए ।
