आँप बगैँचाको मालिकले एउटा नोकर राख्यो । एक दिन मालिकले भन्यो— केही मीठा आँप टिपेर ल्याऊ । नोकरले टिपेर ल्याएको आँप अमिलो निस्क्यो ।
मालिक रिसायो । तिमी यतिका वर्षदेखि यहाँ बसिरहेका छौ, तर कुन वृक्षको आँप अमिलो र कुनको मीठो छ भनेर जान्दैनौ ? नोकरले भन्यो— मालिक म रखवाली गर्ने मानिस हुँ । एउटा फल पनि चोरी हुन दिएको छैन । आफैँले चोरी गरी फल चाख्न थालेँ भने यसको रक्षा कसरी हुन्छ ?
त्यही नोकर पछि गएर सन्त इब्राहिमको नामले प्रख्यात भयो ।
साभारः ‘विश्वका उत्कृष्ट प्रेरक प्रसङ्गहरु’ पुस्तकबाट
