मड्रिड – इन्जुरी समयमा पाएको पेनाल्टी किक रेआल बेटिसका गोलरक्षक अल्बारो वालेसले विफल पारिदिएपछि रेआल मड्रिडका स्टार स्ट्राइकर किलियान एमबाप्पे बराबरी गोल गर्नबाट चुकेका छन्।
रोमाञ्चक बनेको खेलको अन्तिम समयमा पाएको पेनाल्टीलाई वालेसले उत्कृष्ट बचाउ गर्दै रेआल मड्रिडलाई बराबरीमा रोकेका हुन्। एमबाप्पेको प्रहारलाई विफल पारेलगत्तै गोलरक्षक वालेसले फ्रान्सेली स्ट्राइकर एमबाप्पेको नजिकै पुगेर आक्रामक रूपमा खुसीयाली मनाएका थिए।
खेलको अन्तिम समयमा १–० ले पछि परेको अवस्थामा मड्रिडले बराबरीको सुनौलो अवसर (पेनाल्टी) पाएको थियो । एमबाप्पेले प्रहार गरेको बललाई बेटिसका गोलरक्षक अल्बारो वालेसले उत्कृष्ट डाइभ हान्दै रोकेका थिए। लगत्तै रेफ्रीले अन्तिम सिठी बजाएपछि मड्रिड स्तब्ध बनेको हो।
मौरिन्होले यसै सिजन पुनः मड्रिडको बेन्च सम्हालेपछिको यो पहिलो आधिकारिक हार हो । खेलभरि नै मड्रिडलाई दबाबमा राखेको बेटिसले घरेलु मैदानमा महत्त्वपूर्ण ३ अंक जोड्न सफल भयो ।
