काठमाडौं । नेपाल आयल निगमले गरेको निर्णयप्रति होटल व्यवसायीले आपति जनाएका छन् । निगमले होटल व्यवसायीलाई कम ग्यास उपलब्ध गराउने र ग्याँस लिन पनि व्यवसायी तराईस्थित बोटलिङ प्लान्ट (उद्योग)मा पुग्नुपर्ने भएपछि उनीहरुले आपति जनाएका हुन् । गत भदौ १० गते आएको भोटेकोशीमा भिषण बाढीका कारण बाटोघाटोमा असर परकाले निगमले व्यावसायिक प्रयोजनका लागि प्रयोग हुने खाना पकाउने (एलपी)ग्यास काठमाडौँ उपत्यकामा नियमित रूपमा वितरण गर्न कठिन हुने भएकाले व्यवसायी आफैँले तराईस्थित बोटलिङ प्लान्ट (उद्योग) बाट ढुवानी गर्नुपर्ने निगमले सर्त राखेपछि व्यवसायीहरुले सरकारको निर्णप्रति आपति जनाएका हुन् ।
होटल व्यवसायी महासंघ नेपालका अध्यक्ष दिनेशकुमार चुकेले निगमको उक्त निर्णयले समग्र पर्यटन तथा होटल क्षेत्रमा गम्भीर असर पार्ने उल्लेख गर्दै सरकार कठिन परिस्थितिमा पनि व्यवसायीहरुको हक अधिकार र संरक्षणप्रति गम्भिर हुनुपर्ने बताए । सरकारको दोहोर नीतिका कारण होटल व्यवसायीहरु मारमा परेको उनीहरुको गुनासो रहेको छ । सरकारले एकतर्फ पर्यटन प्रवद्र्धनका लागि सहज नीति लिएको र अर्कोतर्फ होटलमा नै खाना पकाउने ग्याँसको अभाव गरिदिने नीति लिएको भन्दै व्यसायीहरुले कसैलाई पनि मारमा नपर्ने किसिमको नीति लिन आवश्यक रहेको उल्लेख गर्दै सरकारको ध्यानाकर्षण गराएका छन् ।
‘ होटलमा ग्याँसको अभाव हुँदा कसरी खाना, खाजा तथा परिकार पकाउने भन्ने चिन्ता व्यवसायीको मात्रा नभएर सरकारले पनि साझा धारणा बनाउनुपर्ने उनीहरुको माग छ । उनीहरुले सर्वसाधारणहरुले समेत बजारमा ग्यासको अभाव हुँदा होटलमा नै आएर खाने गरेको जानकारी गराउँदै सरकारले व्यवासयीहरुलाई पनि जति सक्दो ग्यास उपलब्ध गराउनुपर्ने बताए । उनले एक संचारमाध्यमा कुरा गर्दै यस्तो बताएका हुन् । होटल क्षेत्रबाट वर्षैभरि नियमित रूपमा ठूलो परिमाणमा ग्यास खपत हुने गर्छ उनले भने ।
