काठमाडौँ । आईसीसी क्रिकेट विश्वकप लिग–२ अन्तर्गतको त्रिकोणात्मक सिरिजमा नेपालले नेदरल्याण्ड्सविरुद्ध पहिला ब्याटिङ गर्ने भएको छ।
सिरिजअन्तर्गत आजको खेलमा नेदरल्याण्ड्सले टस जितेर पहिला बलिङ गर्ने निर्णय गरेपछि नेपालले ब्याटिङ गर्ने भएको हो।
नेपालले सिरिजको पहिलो खेलमा नामिबियासँग पराजय बेहोरेको थियो। नेदरल्याण्ड्सले भने आजको खेलसँगै सिरिजमा आफ्नो सुरुआत गर्दैछ।
नेपाल र नेदरल्याण्ड्सबीच हालसम्म पाँच एकदिवसीय अन्तर्राष्ट्रिय खेल भएका छन्। तीमध्ये नेदरल्याण्ड्सले तीन खेल जित्दा नेपालले दुई खेलमा विजय हासिल गरेको छ। पछिल्लोपटक सन् २०२५ जुनमा भएको खेलमा नेपाल १६ रनले विजयी भएको थियो
