काठमाडौं । प्रधानमन्त्री पुष्पकमल दाहाल प्रचण्ड र नेकपा एमालेका अध्यक्ष केपी शर्मा ओलीबीच उच्चस्तरीय राजनीतिक संयन्त्रको बैठक बोलाउने सहमति भएको छ ।
आज बिहान बालकोटमा भएको छलफलमा ओली प्रचण्डबीच सो सहमति भएको हो । बालकोटबाट बाहिरिने क्रममा प्रधानमन्त्री प्रचण्डले बिहीबार उच्चस्तरीय राजनीतिक संयन्त्रको बैठकमा बस्ने र राष्ट्रपति उम्मेदवारबारे छलफल हुने बताए ।
राष्ट्रपति पदको निर्वाचन आगामी फागुन २५ गते हुँदैछ । तर सत्ता साझेदार दलबीच नै राष्ट्रपतिको उम्मेदवारबारे एक मत छैन । एमालेले राष्ट्रपति आफूले पाउनुपर्ने अडान राख्दै आएको छ । तर, प्रधानमन्त्री प्रचण्ड त्यसमा सहमत छैनन् ।
