एजेन्सी । भेनेजुएलामा आएको विनाशकारी भूकम्पमा एक आमाले आफ्नी सानी छोरीलाई बचाउने क्रममा ज्यान गुमाएकी छिन्। स्थानीय सञ्चारमाध्यम र भेनेजुएलाका फुटबलर हेक्टर बेलोका अनुसार दुईवटा शक्तिशाली भूकम्पका क्रममा उनकी श्रीमती एन्ड्रियाले आफ्नी साना छोरीको ज्यान बचाएकी हुन्।
गत बुधबार आएको यस महाविपत्तिमा ज्यान गुमाउने अन्य पीडितहरूको पहिचान खुल्ने क्रम जारी छ। भेनेजुएला फुटबल महासंघ र सम्बन्धित क्लबहरूका अनुसार भूकम्पमा परी दुईजना फुटबल खेलाडीको पनि मृत्यु भएको छ। काराकास फुटबल क्लबका १८ वर्षमुनिका खेलाडी राजान सिजाको ला गुइरास्थित आफ्नै घरमा परिवारका सदस्यहरूसहित मृत्यु भएको छ।
त्यस्तै मारिटिमो दे ला गुइरा र क्लब स्पोर्ट सान अगस्टिनको एकेडेमीमा आबद्ध खेलाडी भिक्टर पालासिओसको पनि भूकम्पमा परी निधन भएको छ। क्लबहरूले सामाजिक सञ्जालमार्फत आफ्ना प्रतिभावान खेलाडीहरू गुमाउनु परेकोमा गहिरो दुःख व्यक्त गरेका छन्।
यसैबिच, पूर्व मिस भेनेजुएला जिजेल रेयेसकी आमाको पनि भूकम्पका कारण मृत्यु भएको छ। रेयेसले इन्स्टाग्राममार्फत ला गुइरामा रहेको आफ्नी आमाको भवन पूर्ण रूपमा भत्किएको जानकारी दिएकी छिन्।
उनकी आमाको हेरचाह गर्ने नर्सलाई जीवितै उद्धार गरिएको थियो र उनकै अनुसार भूकम्पको कडा धक्का र डरका कारण हृदयघात भएर रेयेसकी आमाको मृत्यु भएको हो। भूकम्प प्रभावित क्षेत्रहरूमा अझै धेरै मानिसहरू बेपत्ता रहेकाले उद्धारकर्मीहरूले भग्नावशे
