फिफा विश्वकप २०२६ मा आइतबार टर्कीविरुद्ध अस्ट्रेलियाले जित निकालेको छ ।
क्यानडाको बिसी प्लेयस भ्यानकुभर स्टेडियममा भएको खेलको ७५औँ मिनेटमा कानर मेटकाफले गरेको दोस्रो गोलमा अस्ट्रेलियाले टर्कीविरुद्ध २–० को अग्रता कायम गर्दै जित हासिल गरेको हो।
यसअघि खेलको २७औं मिनेटमा अस्ट्रेलियाका लागि नेस्टोरी इरानकुन्डाको गोल गर्दै सुरुवाती अग्रता लिएको थियो। टर्कीले निर्धारित समयमा ६ मिनेट थप गर्दा पनि कुनै गोल गर्न सकेन।
यो जितसँगै अष्ट्रेलियाले समूह चरणको पहिलो खेलबाट ३ अंक जोडेको छ । गोल अन्तरमा अमेरिका भन्दा पछि रहँदा अष्ट्रेलिया दोस्रो स्थानमा रहनेछ ।
समूह डी अन्तर्गतको यो उद्घाटन खेलमा उनीहरूले पहिलो पटक भेट गरेका हुन्। खेलमा अष्ट्रेलियाका १० खेलाडी पहिलो पटक विश्वकप खेलिरहेका खेलाडी हुन् ।
समूह ‘डी’ अन्तर्गत अमेरिकाले पराग्वेलाई ४–१ ले पराजित गरे भने कतार र स्विट्जरल्यान्डले १–१ बराबरी खेले । दोस्रो खेलमा पनि ब्राजिल र मोरोक्कोले १–१ बराबरी खेले । तेस्रो खेलमा स्कटल्यान्डले हाइटीलाई १–० ले हराएको थियो ।
