पोखरा, १६ माघ । पोखरा–१३ को काहुँखोलामा डेरागरी बस्ने व्यक्तिलाई बचाउन खोज्दा जलेर गम्भीर घाइते भएकी घरधनी ३५ वर्षीया संगीता सापकोटाको मृत्यु भएको छ ।
पोखरा स्वास्थ्य विज्ञान प्रतिष्ठानमा उपचारका क्रममा आइतबार राति ११.०० बजे संगीताको मृत्यु भएको प्रतिष्ठानका निर्देशक डा.भरतबहादुर खत्रीले जानकारी दिए । जलेर गम्भीर घाइते संगीताको भेन्टीलेटरमा राखेर उपचार भइरहेको थियो ।
सापकोटाको घरमा स्टेशनरी सञ्चालन गर्दै आएका ४३ वर्षीय कृष्णबहादुर क्षत्रीले आइतबार बिहान ६.२० बजे बाथरूममा आत्मदाहको प्रयास गरेका थिए । क्षत्रीलाई बचाउने क्रममा घरबेटी स्वंय संगीता सापकोटा जलेर गम्भीर घाइते भएकी थिइन् ।
जलेर घाइते भएका दुवै जनालाई छिमेकीले उद्धार गरी अस्पताल पु¥याएका थिए ।अस्पतालमा उपचार गराइरहेका कृष्णबहादुरको हात र अनुहार जलेको छ । उनको अवस्था सामान्य रहेको जानकारी निर्देशक डा खत्रीले दिए ।
आत्मदाहको प्रयास गर्नुको कारण भने हालसम्म खुलेको छैन । शरीरमा पेट्रोल छर्केर लाइटरले आगो सल्काएपछि बचाउन आएकी घरधनी संगीतालाई पनि पे«ोलका छिर्का परेपछि उनीपनि जल्न पुगेको कृष्णबहादुर श्रेत्रीले बताउँदै आएको छन् । घटनाको बारेमाप्रहरीले थप अनुसन्धान शुरु गरेको छ ।
