पोखरा, १२ माघ । गण्डकी प्रदेशका मुख्यमन्त्री खगराज अधिकारीले काली गण्डकी नदीको पबित्र शिला हिन्दूहरुको धार्मिक स्थल भारतको अयोध्यामा निर्माणाधीन रामललाको मूर्ति कुद्नका लागि हस्तान्तरण गर्न पाउँदा आफूलाई भाग्यमानी ठानेको बताउनुभएको छ । गण्डकी प्रदेश सरकार सामाजिक विकास मन्त्रालयद्धारा बिहीबार साँझ पोखराको विन्ध्यवासिनी मन्दिर परिष्रमा आयोजित शिला हस्तान्तरण कार्यक्रममा आफ्ना भनाई राख्दै मुख्यमन्त्री अधिकारीले त्यस्तो कुरा बताउनुभएको हो ।
नेपाल र भारतको धार्मिक तथा सांस्कृतिक सम्बन्ध परापूर्वकालदेखी प्रगाढ रहँदै आएको र अनन्तकालसम्म पनि यस्तो सम्बन्ध रहिरहने विश्वास गर्दै उहाँले शिला हस्तान्तरण कार्यक्रमले दुई देशको धार्मिक सम्बन्ध थप मजबुद बनेको उहाँले बताउनुभयो । राममार्गको विकास गरी नेपाल र भारतबीच धार्मिक पर्यटक वृद्धि गरी अर्थतन्त्रलाई समेत बलियो बनाउने उद्देश्य गण्डकी सरकारको रहेको भनाई उहाँको छ । दुई देशका यी पावन भूमिका लाखौं लाख भारतीय र नेपाली दर्शनार्थीको भीड लाग्ने विश्वास उहाँले व्यक्त गर्नुभयो ।
गण्डकी प्रदेश सरकारका सामाजिक विकास मन्त्री पञ्चराम गुरुङको अध्यक्षतामा आयोजित शिला हस्तान्तरण कार्यक्रममा काँग्रेस नेता बिमलेन्द्र निधीको समेत सहभागिता रहेको थियो । विश्वमै दुर्लभ शालीग्राम पाइने कालीगण्डकी नदीको २ थान शिला जनकपुर धाम हुँदै हिन्दूहरुको धार्मिक स्थल भारतको अयोध्या पु¥याइने बताइएको छ । एउटा शिलामा रामललाको बाल्यकालको अवस्थाका बारेमा प्रतिमा बनाइने छ भने एउटा शिलामा सीताको प्रतिमा निर्माण गरिने जानकराी रामलला मन्दिर निर्माण ट्रष्ट भारतका सचिब राजेन्द्रसिंह पङ्कजले बताउनुभयो ।
सो अवसरमा बोल्दै पंकजले नेपालको कालीगण्डकीबाट भगवान रामको मुर्ति बनाउने शिला उपहार पाएका छौँ, यसले नेपाल र भारतको सांस्कृतिक सम्वन्ध बलियो हुने धारण ब्यक्त गर्नुभयो । अयोध्या, जानकी र समग्र कालीगण्डकी क्षेत्रको धार्मिक र सांस्कृतिक सम्बन्धलाई विश्वमा चिनाउन यस शालिग्रामले धर्मदुतको काम गर्ने विश्वास ब्यक्त गर्नुभयो ।
बुधबार क्रेनबाट दूई शिलालाई ट्रकमा राखेर प्रसिद्ध धार्मिक स्थल गलेश्वरधाममा लगिएको थियो । विहिबार गलेश्वर शिवालय मन्दिर परिरसरमा राखिएका शिलालाई गण्डकी प्रदेशसभा सदस्य हरि भण्डारी, बेनी नगरपालिका मेयर सुरत केसी र गलेश्वर मन्दिरका अध्यक्ष माधवप्रसाद रेग्मीले विधिवद पूजाआजा गरेर बाजागाजा र भजनसहित हस्तान्तरण गर्दैे शोभायात्रामाफर्त बजार परिक्रक्रमा गराएर अयोध्यातर्फ प्रस्थान गराएका थिए ।
भूगर्भ तथा शिलाविद्, प्राविधिक र विज्ञ समेतको टोलीले बेनी नगरपालिका–६ ठूलो पहिरो स्थित कालीगण्डकीमा दुई थान शिला पहिचान गरेको थियो । बेनी नगरपालिका मेयर सुरत केसीले पवित्र कालीगण्डकी नदीबाट धेरै लामो समय टिक््ने शिला पहिचान गरेर २६ टन र १४ टनका दुई थान शिलालाई बेनी नगरपालिकाले गण्डकी प्रदेश सरकार र गण्डकी प्रदेश सरकारले २ नम्वर प्रदेशको जानकी मन्दिरलाई हस्तान्तरण गर्दैै जानकी मन्दीरले अध्योध्यालाई हस्तान्तरण गरिने प्रक्रिया रहेको बताउनुभयो ।
