पोखरा, ४ मंसिर । प्रतिनिधि सभा तथा प्रदेश सभा सदस्यका लागि आइतबार भइरहेको चुनावमा कास्कीका मतदाताको उत्साहजनक सहभागिता देखिएको छैन । प्रदेश निर्वाचन कार्यालय गण्डकी, पोखराा निर्वाचन अधिकृत हुमप्रसाद पराजुलीका अनुसार कास्कीमा बिहान ११ं०० बजेसम्म १५ प्रतिशत मत खसेको जानकारी दिनुभयो । उहाँका अनुसार अघिल्ला निर्वाचन जस्तागरी यस पटकको निर्वाचनमा त्यति उत्साहजनक सहभागितना नदेखिएको जानकारी उहाँले दिनुभयो ।
कास्कीका प्रमुख जिल्ला अधिकारी टेकबहादुर केसीका अनुसार मतदानको दिन आइतबार दिउँसोसम्म कास्कीका सबै मतदान स्थलमा शान्तिपूर्ण रुपमा मतदान भइरहेको जानकारी दिनुभयो । अन्य स्थानमा भन्दा सुकुम्वासी टोलहरुमा मतदान गर्नेको संख्या वढी प्रतिशत रहेको मतदान अधिकृतहरुले बताइरहेका छन् । पोखरा बसपार्क निवासी मतदाता बुद्धिबहादुर श्रेष्ठले अघिल्ला वर्षको तुलनामा मतदाताले निकै कम मात्रामा मतदान गर्ने बताए । जाडो मौसम भएकालले दिउँसो मतदाता बढ्न सक्ने भनाई उनको छ ।
त्यस्तै सहारा आधारभूत मतदान केन्द्र बसपार्ककी मतदान अधिकृत जानकीदेवी शर्माले अन्य मतदान केन्द्रको तुलनामा सहारा केन्द्रमा केही वढी मतदाता मतदान गर्न आएको बताउनुभयो ।
कास्कीका ३ सय ४४ मतदान केन्द्रमा २७ सय ५२ कर्मचारी र एक हजार तीन सय ७६ स्वंयम सेवक खटिएका र ती स्थलमा कुनै अप्रीय घटना नभएको जानकारी प्रदेश निर्वाचन कार्यालय गण्डकी, पोखराका निर्वाचन अधिकृत हुमप्रसाद पराजुलीले दिनुभयो ।
