रामकृष्ण परमहंशका केही अमर वाणीहरुः
१) शुद्ध ज्ञान र शुद्ध भक्ति दुवै एकै हुन् ।
२) रानी रसमणि जगदम्बाकी अष्टनाभिका मध्ये एक थिइन् ।
३) हृदयराम नभए त साधनाकालमा यो शरीर टिक्दैनथ्यो । हृदयको सेवालाई म कहिल्यै बिर्सन सक्दिनँ ।
४) लज्जा, घृणा र भय— यी तीनको उपस्थितिमा ईश्वरलाभ हुन सक्दैन ।
५) जति मत छन्, त्यति नै मार्ग छन् । तिनमा निष्ठा राख्नु पर्दछ । अरुको मतलाई कहिल्यै निन्दा गर्नु हुँदैन ।
६) सिद्धि परमेश्वर प्राप्तिको मार्गमा ठूला विघ्न हुन् ।
७) विवेक र वैराग्य बिना शास्त्रज्ञान व्यर्थ हो ।
८) उही पुरुष डुबुल्की लगाएर यताबाट बाहिर निस्क्यो तब कृष्ण भयो, उताबाट निस्क्यो त ईसा भयो ।
९) सिक्खका दस गुरु राजा जनकका अवतार हुन् ।
१०) स्थूल भावले समाधि दुई प्रकारको हुन्छ । ज्ञानमार्गबाट विचार गर्दा गर्दै अहङ्कारको नाश भएपछि जो समाधि हुन्छ त्यसलाई निर्विकल्प समाधि भनिन्छ ।
साभारः ‘महापुरुषहरुका अमर वाणी’ पुस्तकबाट
