थाइल्याण्डको राजधानी बैङ्ककमा शनिबार हजारौंको सङ्ख्यामा सरकार विरोधी प्रदर्शनकारीहरुले प्रधानमन्त्री पेटोङटार्न सिनावात्राको राजिनामाको माग गर्दै पदर्शन गरेका छन् ।
कम्बोडियाका एक अग्रज नेताले दुई देशबीचको सीमा विवादलाई शान्त पार्ने उद्देश्यसहित भएको एउटा फोन कल सार्वजनिक भएपछि प्रधानमन्त्री विवादमा पर्नुभएको थियो । टेलिफोनवार्तामा प्रधानमन्त्री पेटोङटार्नले उहाँलाई ‘अङ्कल’ भन्नुभएको र सीमामा रहेका थाई सैन्य कमान्डरलाई आफ्नो ‘प्रतिद्वन्द्वी’ भन्नुभएको बिषयले प्रधानमन्त्रीविरूद्ध आक्रोश छाएको छ ।
लामो समय सत्तामा रहेको एउटा वंशको प्रतिनिधित्व गर्दै ३८ वर्षीय प्रधानमन्त्रीले कम्बोडियासँग अनावश्यक झुकेको र थाइल्याण्डको सेनालाई कमजोर बनाउने अभिव्यक्ति दिएको आरोप लगाउँदै प्याटोङटार्नको गठबन्धनमा सहभागी एउटा प्रमुख दलले केही दिन पहिले सरकारसँगको सहकार्य त्यागेको घोषणा गरेको थियो ।
शनिबार करिब १० हजार प्रदर्शनकारीले राजधानीको विजय स्मारकमा ‘दुष्ट प्रधानमन्त्री, सत्ता छोड्’ लेखिएको थाइल्याण्डको झण्डा र प्लेकार्ड फहराउँदै सडक जाम गरेका थिए ।
प्रदर्शनमा सहभागी एक नेताले मञ्चबाट प्रदर्शनकारीलाई सम्बोधन गर्दै भन्नुभयो, “प्रधानमन्त्रीज्यू, तपाईंले देशद्रोह गर्नुभयो!”
प्रदर्शनमा प्रायः वृद्ध वृद्धहरू थिए र ‘पहेंलो शर्ट’ आन्दोलनका अनुभवी कार्यकर्ताहरूले नेतृत्व गरेका थिए । उक्त समूहले सन् २००० को दशकमा पेटोङ्टार्नका पिता थाक्सिन सिनावात्रालाई हटाउन मद्दत गरेको थियो ।
थाक्सिनका पूर्व सहयोगी तर अहिले उहाँका कठोर आलोचकहरूमध्ये एक नेता आन्दोलनको एक प्रमुख आयोजक रहनुभएको थियो ।
“म यहाँ थाइल्याण्डको सार्वभौमिकताको रक्षा गर्न र प्रधानमन्त्री अयोग्य हुन्ुहुन्छ भन्नका लागि आएको हुँ,’ ७० वर्षीय प्रदर्शनकारी सेरी सावाङमुएले भन्नुभयो ।
उहाँले एएफपीसँगको कुराकानीमा भन्नुभयो, “जब मैले गोप्यरूपमा बाहिरिएको कल सुनेँ तब मलाई थाहा भयो कि म उहाँलाई विश्वास गर्न सक्दिनँ ।”
उहाँले सार्वजनिक भएको टेलिफोन कलको संवादलाई सङ्केत गर्दै थप्नुभयो, “म धेरै राजनीतिक संकटहरूबाट गुज्रेको छु र मलाई थाहा छ कि यो देश कतातिर जाँदैछ। प्रधानमन्त्री हाम्रो सार्वभौमिकता त्याग्न तयार देखिनुहुन्छ।”
थाइल्याण्डमा राजतन्त्र र सेनाको रक्षा गर्ने कटु विरोध गर्ने ‘पहेँलो शर्ट’ र थाक्सिन–समर्थित ‘रेड शर्ट’ बीच दशकौँदेखि सङ्घर्ष रहँदै आएको छ ।
यसलाई उनीहरूका विरोधीहरूले परम्परागत सामाजिक व्यवस्थाको लागि खतरा मानेका छन् ।
अर्का एक पदर्शनकारी ६४ वर्षीया जमनोङ कलानाले आफू कुनै समय ’रातो सर्ट’ समूहको भएको तर आफ्नो रङ परिवर्तन गरेको र फेउ थाइ पार्टीका नेता पेतोङ्टार्नको राजीनामा माग गरेको बताउनुभयो ।
उहाँले भन्नुभयो, “देशलाई माया नगर्ने थाइ साथीलाई देख्दा मलाई पीडा हुन्छ।”
