काठमाडौं। संयुक्त जनआन्दोलन समितिले आज सोमबारको लागि घोषणा गरेको उपत्यका बन्द कार्यक्रम फिर्ता लिएको छ।
नवराज सुवेदीले एक विज्ञप्ति जारी गर्दै कार्यक्रम फिर्ता लिएको जानकारी दिएका छन् । आइतबारको प्रर्दशनको क्रममा हिरासतमा लिइएका नेताहरू रिहा भइसकेकोले कार्यक्रम फिर्ता लिएको विज्ञप्तिमा जनाइएको छ ।
यसअघि, राप्रपा अध्यक्ष राजेन्द्र लिङ्देनले आइतबार सामाजिक सञ्जालमा फेसबुक मार्फत सोमबार हुने भनिएको उपत्यका बन्दको कार्यक्रममा राप्रपाको सहभागिता नरहने जनाएका थिए ।
