काठमाडौँ । नेपाल दूरसंचार प्राधिकरणले हिमाली क्षेत्रमा अनधिकृत रुपमा विदेशी दूरसञ्चार सेवा प्रदायक कम्पनिका स्याटेलाइट इन्टरनेट सेवा प्रयोग तत्काल रोक्न सूचना जारी गरेको छ ।
हिमाली क्षेत्रमा खासगरी अग्ला हिमालको आधार शिविर क्षेत्रमा एलन मस्कको कम्पनि स्टार लिंकको स्याटेलाइट इन्टरनेट संचालन भएको पाइएपछि प्राधिकरणले सूचना निकालेर तत्काल रोक्न निर्देशन दिएको हो ।
प्राधिकरणले उक्त कार्य दूरसञ्चार ऐन २०५३ को दफा २१ को प्रावधान विपरित भएको भन्दै यस्तो कार्य नगराउन निर्देशन दिएको हो ।
प्राधिकरणले अनुपति प्राप्त नगरी इन्टरनेट सेवा उपलब्ध गराइरहेको र प्रयोग गरिरहेको पाइएमा दूरसञ्चार ऐन र प्रचलित कानुन बमोजिम कारवाही गर्ने समेत जानकारी दिएको छ ।
