काठमाडौँ । निर्देशक मधुसूदन भट्टराईको निर्देशन रहने नयाँ फिल्मका लागि अभिनेत्रीको रूपमा साक्षी लम्साल फाइनल भएकी छन् । फिल्मका लागि निर्माणपक्षले मोडल साक्षीसँग आइतबार सम्झौता भएको हो ।
यस अगाडि यो फिल्मका लागि अभिनेताद्वय आर्यन सिग्देल र मुकुन भुसाल छनौट भएका थिए । फिल्मका लागि अझे एक अभिनेत्री छान्न बाँकी रहेको लेखक लक्ष्मण सुवेदीले बताए ।
यो फिल्म जय माँ दुर्गा फिल्मस्को ब्यानरमा निर्माण हुने लागेको हो । फिल्म पारिवारिक र प्रेमकथामा बन्ने बताइएको छ । छिरिङ तेन्दुप शेर्पा, विजय चन्द, भुवन कुमार काफ्ले निर्माता रहेको फिल्मको छायाङ्कन फागुनको पहिलो साताबाट हुनेछ ।
