पोखरा, १६ पुस । पोखरा क्षेत्रीय अन्तर्राष्ट्रिय बिमानस्थलको उद्घाटन गर्ने दिन आइतबार पोखरा महानगरपालिकाले नगरक्षेत्रका विद्यालय तथा शैक्षिक संस्था विदा गर्ने निर्णय गरेको छ ।
२३ अर्वको लागतमा निर्माण सम्पन्न उक्त बिमानस्थल प्रधानमन्त्री पुष्पकमल दाहालद्धारा आइतबार उद्घाटन गर्ने कार्यक्रम रहेको छ ।
विमानस्थल उद्घाटन कार्यक्रममा व्यापक जनसहभागिता होस् भन्न्े हेतुले विद्यालय तथा शैक्षिक संस्था विदा गर्ने निर्णय गरिएको जानकारी महानगरका प्रमुख प्रशासकीय अधिकृत वीरेन्द्रदेव भारतीले दिनुभयो ।
महानगरले शनिबार एक सूचना प्रकाशित गर्दै बिमानस्थल उद्घाटनका दिन पोखरा महानगरपालिका कार्यालय, महाशाखा, शाखा, वडा कार्यालय तथा यस अन्तरगत महानगरपालिका भित्रका विद्यालय एवं शैक्षिक संस्था बन्द गर्ने निर्णय गरेको जनाइएको छ । पोखरामा क्षेत्रीय अन्तर्राष्ट्रिय विमानस्थल संचालनसँगै विदेशी पर्यटकको आगमन वढ्ने आशा गरिएको छ ।
