आँटिली फिल्म अभिनेत्री ग्रेटा गारबोको नाम कुन फिल्मप्रेमी जान्दैनन् । स्वीडेनमा जन्मिएकी र अमेरिकामा आफ्नो अभिनयको धुम मचाउने ग्रेटा गारबोको असली नाम ग्रेटा गुस्टाफसन थियो । आफ्नो सुन्दरता र अभिनयको जादूले उनले वर्षाैंसम्म लाखौँ मानिसहरुको दिलमा राज गरिन् र लाखौँ डलर कमाइन् ।
ग्रेटा गारबोलाई यो सम्पत्ति र आरामको जिन्दगी चाँदीको किस्तिमा मिलेन । यसका लागि उनले निकै संघर्ष गर्नुप¥यो । जब उनी चौध वर्षकी थिइन् तब उनका पिताको देहान्त भयो । परिवारमा यति गरिबी छायो कि ग्रेटा गारबोलाई घर खर्च चलाउनका लागि एउटा नाईको पसलमा काम गर्नुप¥यो । उनी शेविङ्ग जगमा साबुनको गाँज बनाउँथिन् र ग्राहकको अनुहारमा लगाउँथिन्, ताकि यसबीच नाइले आफ्नो चक्कुमा धार लगाओस् । यस कामको साथसाथै उनलाई एक डिपार्टमेन्टल स्टोरमा ह्याट बेच्ने नोकरी मिल्यो ।
सोह्र वर्षको उमेरमा ग्रेटाले ह्याटको एक विज्ञापनमा मोडलिङ गरिन् । त्यस विज्ञानपनलाई देखेर एक फिल्म निर्देशकले ग्रेटालाई ड्रामा स्कुलमा अभिनय सिक्ने सल्लाह दिए, ताकि उनी अभिनेत्रीको रुपमा सफल हुन सकून् । ग्रेटाको अगाडि दुईमध्ये एक छान्नुपर्ने निकै ठूलो दुविधा थियो । एकातर्फ नोकरी थियो, नियमित तलब, आर्थिक सुरक्षा र अर्काेतर्फ थियो वर्षाैंसम्म संघर्ष, फिल्मी जीवनको आर्थिक अनिश्चितता, जसमा सफलताको कुनै ग्यारेन्टी थिएन । तर उनले आफ्नो सपनाको लागि जोखिम लिएर नोकरी छाडिदिइन् र अभिनय सिक्ने विकल्प छानिन् । यदि उतले यस्तो नगरेको भए सायदै जिन्दगीभरि ह्याट नै बेचिरहन्थिन् ।
साभारः ‘सफलता’ पुस्तकबाट
