काठमाडौं । नेपाली बजारमा बुधबार पनि सुनको मूल्यले नयाँ कीर्तिमान बनाएको छ ।
बुधबार एकै दिन प्रतितोला ८ सय रुपैयाँले सुनको मूल्य बढे पछि नेपाली बजारमा सुनको भाउ हाल सम्मकै उच्च भएको हो ।
नेपाल सुनचाँदी व्यवसायी महासंघका अनुसार बुधबार सुनको मूल्य प्रतितोला १ लाख ६६ हजार ७ सय रुपैयाँ कायाम भएको छ । यसअघि मंगलबार १ लाख ६५ हजार ९ सय रूपैयाँ कायम भएको थियो ।
यस्तै, बुधबार चाँदीको मूल्य पनि ३५ रूपैयाँले बढेको छ । मंगलबार तोलामा २ हजार १ सय रूपैयाँमा कारोबार भएको चाँदी बुधबार ३५ रूपैयाँले बढेर २ हजार १ सय ३५ रूपैयाँमा कारोबार भइरहेको छ ।
