सपना एक सामान्य स्वभाविक प्रक्रिया हो । सबै मानिसले सपना देख्छन् । स्वप्नशास्त्रका अनुसार सपनाको केही न केही अर्थ हुन्छ । प्राचीन धर्मग्रन्थ वाल्मिकी रामायण, अग्नी पुराण आदिमा सपनाको माध्यमबाट भविष्यमा हुने घटनाहरुको बारेमा जानकारी पाएको वर्णन भेटिन्छ ।
सपना शास्त्रले पनि सपनामा जे देखिन्छ त्यसको वास्तविक जीवनसँग कुनै न कुनै सम्बन्ध हुन्छ भनेको छ । ज्योतीष शास्त्रीहरुका अनुसार केही यस्ता सपना देखिन्छ जुन सपना अरूहरुलाई भन्नै हुँदैन ।
यस्ता सपना देखिएमा जीवनमा नै परिर्वतन ल्याउन सहयोग गर्छ । तर अरुलाई भन्यो भने सपनाको फल मिल्दैन भन्ने ज्योतिष शास्त्रमा भनिएको छ ।
१, यदि सपनामा बलिरहेको दियो देखियो भने चारैतिरबाट अवसर नै अवसर प्राप्त हुन्छ । यस्तोे सपना भुलेर पनि कसैलाई भन्नुहुँदैन ।
२, यदि सपनामा साना माछा पकाएको वा खाएको देखिएमा आकस्मिक लाभ प्राप्त हुन्छ । आफूले देखेको सपना कसैलाई नभनी मेहनत गर्न थाल्ने हो भने अवश्य भाग्य जगमगाउनेछ ।
३, यदि सपनामा कुनै वृक्षमा फल लागेको देखियो भने यसले जीवनमा चाहेको सबै कुरा प्राप्त गर्न सक्ने सङ्केत गर्छ ।
४, सपनामा साप देख्नु एकदम राम्रो सपना हो । यस्तो सपना अरु कसैलाई भन्नु हुँदैन । सपनामा साँपले लखेटेको, वा क्षति गर्न खोजेको आदि देखियो भने चाँडै धन, मान–सम्मान प्राप्त हुन्छ । यस्तो सपना सधैँ गुपचुप राख्नुपर्छ ।
५, यदि सपनामा आफूलाई मृत देखियो भने जीवनमा भइरहेको सबै समस्या अन्त्य भई खुसी प्राप्त हुने सङ्केत गर्छ । यसले अब सारा समस्या हराएर जाने हुन्छ ।
