आजकाल कपाल झर्ने समस्याले धेरैलाई सताउने गरेको पाइन्छ । कपाल झर्नुको मुख्य कारण वंशाणुगत भए पनि अन्या विभिन्न कारणले समेत कपाल झर्ने हुन्छ ।
खानामा पौष्टिक तत्वको कमी, आइरनको कमी, त्यस्तै डेंगी, कोभिड र टाइफाइड लगायतका रोगका कारण पनि कपाल झर्ने समस्या हुन्छ । त्यस्तै कसैलाई बच्चा जन्मिएपछि पनि कपाल झर्ने समस्या हुन्छ ।
यदि हामीले हाम्रो खानपान तथा दैनिक जीवनशैलीमा केही ध्यान दिने हो भने कपाललाई मजबुत र आकर्षक बनाउन सक्छौ—
१. तोरीको तेललाई मनतातो बनाई अदुवाको रस मिलाएर कपालको जरामा लगाउने र एक घण्टापछि नुहाउने गर्दा कपाल झर्न कम भई नयाँ कपाल उम्रिन मद्दत गर्छ ।
२. जाडो मौसममा मनतातो पानीले नुहाउनु पर्दछ ।
२. दैनिक ७–८ घण्टा सुत्नुपर्दछ ।
३. अमला वा नरिवलको तेलले मालिस गर्नाले कपाल मजबुत हुन्छ ।
४. तोरीको तेलमा अण्डा मिसाएर लगाउने र १–२ घण्टापछि श्याम्पुले नुहाउने गर्नाले कपाल मजबुत र चम्किलो हुन्छ ।
५. मेथी अथवा दही पनि कपालको लागि राम्रो मानिन्छ ।
६. हेनाको पात र चुकन्दरको पात पिनेर कपालमा लगाउँदा पनि कपाल झर्न कम हुन्छ ।
