१. मानिस जब दुःखबाट बेरिएर चारैतिरबाट असहाय हुन्छ, तब स्वभावतः उसलाई भगवान्को सम्झना हुन्छ ।
२. प्रार्थनामा एउटा अद्भूत दिव्य भक्ति हुन्छ । सच्चा प्रार्थनाद्वारा प्रभुको स्पर्श पाइन्छ ।
३. मानिस आफ्नो जीवनको एकै दिन वा एकैछिनमा यस्तो शुभ अथवा अशुभ काम गर्न सक्दछ जसको फल उसले लाखौँलाख जन्महरुमा भोग्नु पर्दछ ।
४. मानिसले मर्ने समयमा जो चिन्तन गर्दछ, पृथ्वीमा उसलाई त्यसै चिन्तन अनुसार पहिलो जन्म दिन कर्म नियन्ता बाध्य छ ।
५. उत्तम मानिस सद्गुणको चिन्तन गर्दछ र निकृष्ट मानिस सुख–सुविधाको चिन्तन गर्दछ ।
६. विश्वमा प्रचलित सबै महान् धर्महरुको एकमात्र उद्देश्य भगवान् प्राप्ति अथवा मुक्ति हो ।
७. सनातन शब्दको अर्थ हो सधैँ वर्तमान र निश्चल ।
साभारः ‘महापुरुषहरुका अमर वाणी’ पुस्तकबाट
