टन्सिल हुँदा गलाको दुवैतर्फ मासुमा गाँठो बन्छ । यसले गर्दा गला सुन्निने, बेस्सरी दुख्ने अनि बोल्ने समस्या हुन्छ । खानाको स्वाद पनि आउँदैन । संक्रमण, ब्याक्टेरिया, गलत खानपान, कब्जियत र मौसम परिवर्तनका कारण टन्सिल हुनेगर्छ । टन्सिल हुँदा उच्च ज्वरो आउने तथा जिउँ काँप्ने, सास गनाउने, गलाको भित्री भाग रातो हुने, आवाज भारी हुने, खाना निल्ना गाह्रो हुने, खकार सुख्खा हुने जस्ता लक्षणहरु देखिन्छन् । घरेलु उपायले टन्सिल निको पार्न सकिन्छ ।
– मरिच र तुलसीका पातलाई पानीमा उमालेर बनाएको काढा राति सुत्नुअघि दूधमा हालेर पिउनुस् पिउँदा टन्सिल निको हुनसक्छ ।
– दालचिनीको धूलो र मह मिसाएर दिनमा तीनचोटि खानाले गलाको टन्सिल हट्छ ।
– बेसार, बीरेनून र मरिच पानीमा उमाल्ने र त्यो पानीले दिनमा दुईचोटि गला सफा गर्दा टन्सिलमा राहत मिल्छ ।
– ग्रीन टीमा ल्वाङ, अलैंची र दालचिनी मिसाएर पिउँदा गलामा जमेको ब्याक्टेरिया र कीटाणु बिस्तारै मर्छन् अनि समस्या हट्छ । यसको साटो अदुवा र मह हालेको चिया पिउन पनि सकिन्छ ।
– टन्सिलको समस्या हुँदा अमिलो, पीरो र चिसो कुरा खाँदा समस्या झन् बढ्छ । भुइँकटहर, केरा, सुन्तला, आरुबखडा, खरबुजा, मेवा र स्याउ जस्ता फल पनि खानुहुँदैन । खाना खाइसकेपछि सधैं दुईतीनवटा तुलसीका पातलाई सफा गरेर चपाउनुस् ।
