इटालीका महान ओपेरा गायक एनरिको कारुसोले २१ वर्षको उमेरमा गाउन शुरु गरे, तर उनलाई २५ वर्षको उमेरमा सफलता मिल्यो । आफ्नो दमदार आवाजका कारण उनी मेट्रोपोलिटन ओपेरा हाउसको प्रमुख आकर्षण बने । जब रेकर्ड प्लेयरको आविष्कार भयो, तब उनी पहिला गायक मध्ये थिए, जसले रेकर्डप्लेयरको माध्यमबाट आफ्नो कलालाई घरघर पु¥याए । यसबाट उनी संसारभरि प्रख्यात बन्दै गए । १९८७ मा कारुसोलाई ग्रेमी लाइफटाइम एचीवमेन्ट अवार्डले सम्मानित गरियो ।
तर, निकै कम मानिसहरु यो बुझ्न सक्छन् कि सफलता पाउनका लाग कारुसोले कति संघर्ष गर्नुप¥यो । गरिबीको चपेटामा उनले आफ्नो बाल्यकाल गुजारेका थिए । खेल्ने दौडने उमेरमा परिवारलाई मद्दत गर्नको लागि उनले मजदुरी गर्नुप¥यो । दस वर्षको उमेरमा कारुसो नेपल्सको एउटा फ्याक्ट्रिमा काम गर्न थाले । दिनभरी मेहनत मजदुरी गर्दागर्दै पनि उनको मनमा गायक बन्ने सपना थियो । जब उनी संगीत सिक्न गए, तब संगीत शिक्षकले यो भनेर उनको उत्साहमा पानी हालिदिए, तिमी कहिल्यै गायक बन्न सक्दैनौ ।
तिम्रो आवाजमा दम छैन । जब तिमी गाउँछौ, तब यस्तो लाग्छ कि शदर झरिरहेको छ । कारुसो यो सुनेर निराश भए तर उनकी आमाले उनलाई हौसला दिइन् । उहाँले कारुसोको आवाजको तारिफ गर्दै भन्नुभयो कि उनीसँग गायक बन्ने प्रतिभा छ । कारुसोको संगीत प्रशिक्षणका शुल्क जुटाउनका लागि उनकी आमाले नाङ्गो खुट्टा मेहनत गर्दै रहे । गरीब आमाको प्रशंसा तथा त्यागले उनको जिन्दगी बदलिदियो र अगाडि गएर उनी आफ्नो युगको महानतम् ओपेरा गायक बने ।
साभारः ‘सफलता’ पुस्तकबाट
