गौतम बुद्धको नजरमा गरिबीः एक प्रेरक प्रसङ्ग

वास्तवमा मानिसमा जति धेरै धन कमायो उसलाई अझ बढी धनी बन्ने इच्छा जागेर आउँछ । मानिसहरु गरीब भएकै कारण आफूलाई अभागी र असफल ठान्छन् तर वास्तवमा त्यसो होइन । एक ब्यक्तिले ‘म कसरी गरीब भएँ ?’ भन्ने प्रश्नमा भगवान गौतम बुद्धले दिएको उत्तरलाई मनन गर्ने हो भने सबैको गरिबी एकै छिनमा हटेर जानेछ ।
प्राचिन कालका पुस्तकलाई आधार मान्ने हो भने गौतम बुद्ध नेपालको तिलौराकोटमा बुद्धत्व प्राप्त नभएपछि भारतको बोधगयामा बुद्धत्व प्राप्त गर्न गए । त्यहाँ उनले बुद्धत्व प्राप्त गरेपछि आफूले पाएको ज्ञान सबैलाई बाँड्न थाले । सोही क्रममा एक गरीबले बुद्धसँग आफू किन गरीब भएको भन्दै प्रश्न गरे ।
त्यसक्रममा बुद्धले भने, ‘तिमीले कहिले कसैलाई केही दिएका छेनौ, त्यसैले तिमी गरीब भएका हौ ।’ प्रश्न सोध्ने गरीब किसान अचम्ममा प¥यो र आफूसँग अरुलाई दिने केही नभएको बरु साँझ बिहानको छाक टार्न गाह्रो भएको कुरा बुद्धलाई सुनायो ।
त्यत्तिकैमा बुद्धले मुस्कुराउँदै जवाफ दिए— ‘तिमीले आफ्नो अनुहारबाट कसैलाई पनि मिठो मुस्कान दिन सक्छौ । तिमीसँग दुई हात छ आवश्यक पर्दा सघाउन सक्छौ । तिमीसँग मुख छ मिठो बोल्न र कसैको प्रशंसा गर्न सक्छौ अनि तिमी कसरी गरीब भयौ ? गरिबी तिम्रो मनमा छ, जब मनबाट यो भ्रम हटाउनेछौ तब तिम्रो गरिबी पनि आफैँ हटेर जानेछ ।’
स्रोतः प्रेरक प्रसङ्ग