आज शुक्रबार । शुक्रबारका दिन शुक्रका साथै सन्तोषी माता र वैभवलक्ष्मीको पूजाआराधना गरिन्छ । धर्मशास्त्रमा उल्लेख भएअनुसार शुक्रबारका दिन माता लक्ष्मीको व्रत बसी विधिवत रुपमा पूजा आराधना गर्नाले आर्थिक पक्ष बलियो बनाउन सहयोग पु-याउने मान्यता रहिआएको छ ।
शुक्रबारको व्रत शुक्र ग्रहको प्रतिकूल फलको निवारणका लागि तथा विवाह, सन्तति आदि भौतिक सुख समृद्धिका निम्ति लिने प्रचलन छ । त्यसै गरी शुक्रबारको दिन सन्तोषी माताको व्रत बस्ने पुरुष तथा स्त्रीको सुख–शान्ति तथा मनोकांक्षा पूरा हुनेछ । शुक्र ग्रहसँग सम्बन्धित दशाको निवारणका लागि पनि शुक्रबारको दिन व्रत बस्नु राम्रो हुन्छ ।
