मुक्ति गौतम
सुँगुर, कुखुरा र रक्सी खाने बाहुनले शुद्ध शाकाहारी दलितलाई जहिले पनि विभेद गरेको देखेर प्रेमराज शर्माको मन सधैँ कुँडिन्थ्यो । कुकुरसँग लठारिँदै भात खान हुने तर दलितलाई छुनै नहुने प्रथाको विरुद्ध आवाज उठाउन उसले दलित मुक्त समाज निर्माण गर्ने सङ्कल्प ग-यो ।
संस्कारयुक्त धार्मिक शिक्षाका निमित्त दलित समुदायका चालिसजना छोराछोरीलाई प्रेमराजले ‘भारतीय वनवासी कल्याण आश्रम’मा पठायो ।
पाँचवर्ष पछि दलित विद्यार्थीहरू संस्कृतमा स्नातक बनेर गाउँमा आए । यी शुद्ध शाकाहारी दलित विद्यार्थीहरूले ‘दलित उत्थान सेवा परिषद्’ नामक सङ्गठनको निर्माण गरे । जन्मका आधारमा शूद्र भनिएका यी मानवपुत्रहरूलाई संस्कारद्वारा कर्मका ब्राह्मणमा रूपान्तरण गरी यÞज्ञोपवित संस्कार गराइदिन थाले । दलित समुदायमा खुशीको लहर फैलियो । समाजमा समरसता आयो । प्रेमराज दलित समुदायका मसिहा बने । उनको लोकप्रियता बढ्दै गयो ।
अर्कातर्फ प्रेमराजका विरोधी समूहले प्रेमराजलाई फँसाउने षड्यन्त्र गरिरहेका थिए । एकदिन एउटी दलित महिलालाई मुखभरिको पैसा दिएर प्रेमराजलाई कोर्टमा बलात्कारको मुद्दा दर्ता गराए । महिलाको बयानलाई आधार बनाई कोर्टले प्रेमराजलाई कारावासको सजाय सुनायो । रहेछौँ ।
