काठमाडौैं । भौतिक, पूर्वाधार तथा यातायातमन्त्री प्रकाश ज्वालाको बा२झ ५८६१ नम्बरको गाडीमा आगजनी प्रकरणमा दुई युवकले ज्यान गुमाएका छन् ।
मृत्यु हुनेमा दैलेखका २३ वर्षीय सुजन राउत र डोटीका २२ वर्षी वीरेन्द्र शाह रहेका छन् । कोरियाली भाषा परीक्षामा सहभागी नगराएको भन्दै ललितपुरको बालकुमारीमा रहेको रोजगार अनुमति प्रणाली (ईपीएस) कार्यालयअगाडि गरिएको प्रदर्शनमा प्रहरीले चलाएको गोली लागेर घाइते भएका राउत र शाहको मृत्यु भएको हो । राउतको किस्ट अस्पताल र बायाँ खुट्टाको घुँडामा गोली लागेका शाहको पाटन अस्पतालमा मृत्यु भएको हो ।
ईपीएसका लागि आवेदन फाराम भर्न नपाएको भन्दै केही युवाको समूहले मन्त्री ज्वालाको गाडीमा आगजनी गरेका थिए । मन्त्रीको गाडीमा आगजनी गर्ने १८ जनालाई पक्राउ गरेको छ । जहाज निर्माणसम्बन्धी कामका लागि परीक्षा दिएका तर त्यसमा उत्तीर्ण नभएकाहरूले आफूहरूलाई उत्पादनमूलक कोटामा पनि फाराम भर्न दिइनुपर्ने माग गर्दै प्रदर्शन गरेका थिए । सन् २०२४ मा कोरिया सरकारले करिब १६ हजार युवा लैजाने नीति लिएको छ ।
कोरियाको रोजगार अनुमति प्रणाली९ईपीएसअन्तर्गत भाषा परीक्षामा यसपटक एक लाख ४३ हजारभन्दा बढीको आवेदन परेको छ ।
