काठमाडौं । मेलम्चीको पानी नियमित वितरण नभएको भन्दै काठमाडौँ उपत्यकाका स्थानीय बासिन्दाले प्रदर्शन गरेका छन् । काठमाडौंँ उपत्यकामा नियमित रुपमा मेलम्चीको पानी उपभोग गर्न कठिनाई परेको भन्दै उपत्यकावासीले मेलम्ची खानेपानी नियमित वितरण गर्नुपर्ने र पानी माथिको भएको अनियमितालाई बन्द गर्नुपर्ने मागसहित प्रदर्शनमा उत्रिएका हुन् ।
प्रदेश सांसद समेत रहेका सुनिल केसीका अनुसार सोमबार काठमाडौँको कोटेश्वरमा जम्मा भएर उपत्यकावासीहरुले पानी नभएको संकेत गर्दै खाली भाँडासहित प्रदर्शनमा उत्रिएका हुन् । मेलम्चीको पानी काठमाडौँमा नियमित वितरण गर्नुपर्ने प्रदर्शनकारीहरुको माग रहेको छ । गत वर्ष वितरण सुरु भएको मेलम्चीको पानी पुन मुहान मर्मत गर्नुपर्ने भन्दै हाल अहिलेसम्म वितरण नभएपछि स्थानीयवासीले प्रदर्शनमा उत्र्रिनुपरेको केसीले बताए । प्रदर्शनकारीहरुले
प्रदर्शनकारीले ‘मेलम्चीको पानी माथिको चलखेल बन्द गर्नुपर्ने, मेलम्चीको पानी तत्काल वितरण गर्नुपर्ने लगायतका प्लेकार्ड बोकेका थिए । कोटेश्वर चोकबाट र्यालीसहित प्रदर्शनकारीहरू तीनकुनेतर्फ अघि बढेका छन् ।
