१. पानीको स्वभाव तलतिर बगेर जानुजस्तै मानिसको स्वभाव पनि भौतिक सुखतिर मात्रै बगेर जान्छ । तर स्वधर्म पालन गर्ने साधकले सबै कुरामा पूर्णताको खोज गर्नुपर्दछ, भौतिक सुख होइन ।
२ शतप्रतिशत समर्पण र शतप्रतिशत पश्चाताप गरेमा सर्वशक्तिमान कृपासागर प्रभुले जुन बेला पनि दर्शन दिनुहेनछ । प्रसन्न बस्ने गर्नुहोस् । साधकलाई चाहिने कुरा हो— प्रभुमा विनाशर्तको शतप्रतिशत समर्पण र आत्मविश्वास ।
३. एउटै बाटो छ— उत्तम अर्थात् आध्यात्मिक जीवनको लागि प्रार्थना र सांसारिक जीवनको लागि पुरुषार्थ ।
४. सच्चिदानन्दको आनन्द निर्विकल्प समाधिमा पाइन्छ । तर यो अचेतन अवस्था हो ८४ लाख जुनिको चक्कर पनि छुट्दैन, आनन्द भोगिन्छ अवश्य तर यमराज आउँछ अनि सबै खत्तम ।
५. साँचो समाधि भनेको प्रभुको लागि होशपूर्वकको व्याकुलता हो ।
६. धारणा— एउटा वस्तुको बारेमा साधारण किसिमले विचार गर्ने
ध्यान — त्यही वस्तुबारे विशेष किसिमले चिन्तन गर्ने ।
समाधि — वस्तुको अन्तिम स्थितिसम्ममा चिन्तन गर्ने, अर्थात् सियोको टुप्पोमा उभिने ।
साभारः ‘महापुरुषहरुका अमर वाणी’ पुस्तकबाट
