– बिहानको एक छाक मात्र भात खाने गर्नु राम्रो । तर खानको मात्रा सबैका लागि एकनास भने हुदैन । धेरै शारीरक काम गर्नेले धेरै खानुपर्छ, थोरै काम गर्नेले थोरै खानुपर्छ । काम कम माम धेरै गर्नुहुदैन । बिहान बेलुकीको खानामा मौसमी तरकारी हुनु अत्यन्त लाभदायी हुन्छ । दैनिक कम्तिमा एक पल्ट फलफूल खानुपर्छ । बेलुकीको खाना खाएपछि तुरुन्त सुत्नु हुँदैन । कम्तीमा १ –२ घण्टा पछि मात्रा सुत्नु पर्छ ।
– शाकहारी भोजन मुटुरोगका लागि फाइदा जनक हुन्छ तर नियन्त्रित रुपमा माछामासु खाएमा हानी भने हुदैन । चिल्लो नराखी माछा र कुखुराको मासु पकाई खादा हानी गर्दैन । माछामासु बिहान र दिउँसोको खानामा मात्र प्रयोग गर्नु राम्रो । बेलुकी माछा मासु नखानु नै स्वास्थ्यका लागि लाभदायक छ ।
– घिउ तेल तथा अन्य चिल्लोको मात्रा जतिसक्यो कम प्रयोग गर्ने । खाना पकाउनका लागि घिउको सट्टा शुद्ध तोरिको तेल नै प्रयोग गर्ने । नून दैनिक ३ देखी ५ ग्राम भन्दा बढी प्रयोग गर्नु हुदैन ।
– खानामा फाइबरको प्रमुख स्रोत गहुँ, गेडागुडी, हरियो सागपातहरु नै हुन् । अंकुरित गेडागुडी खानु अझ बढी लाभदायक हुन्छ । फापर, कोदो, जौ, मकै आदिले पनि मुटुलाई फाईदा पु¥याउँछ ।
– स्वस्थ्य मुटुका लागि खाना थोरैथोरै तर धेरैपल्ट खानु उचित हुन्छ । दुई छाक खाने तर पेट कसेर खाने, अनि खाने बित्तिकै सुत्ने, यो मुटुका लागि अत्यन्तै खतरनाक बानी हो ।
– बेलुकीको खानामा दैनिक एक पोटी काँचो लसुन खाँदा फाइदा हुन्छ । यसले रगतको कोलेस्टेरोल घटाउँछ साथै एस्पिरिनले जस्तै रगतलाई पातलो पनि पार्दछ ।
