काठमाडौं । नेपालीहरुको महान चाड बडादशैँ को सुरुवात भएसगैँ काठमाडौं उपत्यकामा विभिन्न जिल्लाबाट च्याङग्रा भित्र्रिन थालेका छन् । विगतका वर्षहरुमा पनि घटस्थापनाका दिनदेखी काठमाडौँ उपत्यकामा भेडा च्याङग्रा भित्र्रिने गरेका थिए ।
हिमाली जिल्लाहरुबाट प्राय दशैँका लागि मुख्य शहरहरुका च्याङग्रा आउने गर्छन् । यस वर्ष पनि मनाङ र सिन्धुपाल्चोकको तातोपानी क्षेत्र लगायतका जिल्लाबाट उपत्यकामा खसी बोकासहित च्याङ्ग्रा भित्रिन थालेका हुन् ।
व्यवासायीहरुले भक्तपुरको तिनकुने लगायतका स्थानमा च्याङ्गा बिक्रीका लागि राखेका छन् । व्यापारीहरु अहिले जिउँदो च्याङ्ग्रा प्रतिकेजी १३ सय ५० मा बिक्री भैरहेको बताएका छन् । अहिले सुरुको चरण भएकाले केही मात्रामा मात्र भेडा च्याङग्रा आउन सुरु गरेको र थप ठूलो संख्यामा आउने क्रम जारी रहेको बताए ।
