वीरगंज – पर्साको जगनाथपुर गाउँपालिका मसिहानी टोलकी कान्ती देवी वीनको हत्या आरोपमा प्रहरीले तीन जनालाई पक्राउ गरेको छ ।
पक्राउ पर्नेमा मृतकका जेठाजुहरू चन्द्रीका राउत विन, अमेरीका राउत विन र चन्द्रीका छोरा लालबाबु राउत विनले
मृत अवस्थामा फेला परेकी कान्ती देवी बिनको आफन्तबाटै पैसा लुट्ने उद्देश्यले हत्या भएको प्रहरीले जनाएको छ । जगरनाथपुर गाउँपालिका वडा नम्बर ५ मसिहानीमा एक्लै बस्दै आएकी कान्ती देवी असोज १ गते मृत अवस्थामा फेला परेकी थिइन् ।
मृतकका छोरा अर्जुन मुखिया विन विदेशबाट घर आएपश्चात् लालबाबु राउत विनको नाममा किटानी जाहेरी दरखास्त दिएको र सोही आधारमा लालबाबुले हत्यामा आफ्नो संलग्नता स्वीकारेसँगै उनको बयानको आधारमा मृतकका जेठाजुहरू अमेरिका र चन्द्रिका पक्राउ परेको प्रहरीले जनाएको छ ।
प्रहरीसँगको बयानमा अभियुक्तहरूले हत्या गरेको स्वीकार गरेपछि उनीहरूलाई समेत पत्रकार सम्मेलनमा सार्वजनिक गरिएको हो। तीनै जना अभियुक्तहरूले घटनामा आफ्नो संलग्नता रहेको स्वीकार गरेसँगै अभियुक्तहरूलाई प्रहरीले असोज १४ गते जिल्ला अदालतबाट म्याद थप गरी अनुसन्धान जारी राखेको छ ।
अभियुक्तहरूले मृतकको घरमा चोरी गर्ने योजना बनाएर सुरुङ खनी भित्र प्रवेश गरेको र बाक्सा फोर्न लाग्दा मृतक निद्राबाट बिउँझिएसँगै आफ्नो पोल खुल्ने डरले टाउकोमा रड र काठको फलेक प्रहार गरी बेहोस बनाएपश्चात् सिरानीले मुख थुनेर खुर्पीले घाटी रेटी हत्या गरेको अभियुक्तहरूले प्रहरी समक्ष बयान दिएका छन् ।
