तामाको भाँडामा पानी संग्रहित गर्नुलाई ताम्रजल भनिन्छ । आर्युवेदमा पनि भनिएको छ— तामाको भाँडामा भण्डारण गरिएको पानीले शरीरको केही दोष शान्त गर्छ साथै यसले शरीरको विषाक्त पदार्थ निकाल्छ । ध्यान राख्नुपर्ने कुरा के भने, तामाको भाँडामा कम्तीमा ८ घण्टासम्म राखिएको पानी लाभदायक हुन्छ । तामाको भाँडामा रातभर पानी भण्डारण गर्नुपर्छ । यसले तामाको स्वस्थ्यप्रद गुण त्यस पानीमा सर्छ, जो पेट सम्बन्धी रोगदेखि रगतको शुद्धतासम्ममा फाइदाजनक हुन्छ । तामाको बर्तनमा पानी भरेर राख्दा त्यसलाई जमिनमा राख्नु हुँदैन । काठमाथि वा कुनै धातुको टेबलमाथि राख्नुपर्छ । जुन व्यक्तिलाई कफको समस्या छ, उनीहरुले पानीमा तुलसीको केही पात हाल्नुपर्छ ।
फाइदाहरु
– हामी छालालाई स्वस्थ्य चम्किलो बनाउनका लागि राम्रो सौन्दर्य प्रसाधन प्रयोग गेरर मात्र हुँदैन, यसमा दिनचर्या र खानपान सँगसँगै जोडिएर आँउछ । त्यसैले तपाईं छालालाई स्वस्थ्य बनाउन चाहनुहुन्छ भने तामाको भाँडामा रातभर राखेको पानी पिउनुहोस् । यसको नियमित सेवनले तपाईंको छाला चम्किलो र मुलायम हुन्छ ।
– कपरको स्पर्श भएको पानीले शरीरमा थाइरेक्सीन हर्मोनलाई सन्तुलित राख्छ ।
– तामाको भाँडमा राखिएको पानी पिउने गर्दा युरिक एसिडको समस्याबाट बच्न सकिन्छ ।
– तामाको भाँडमा राखिएको पानी पर्याप्त मात्रामा पिउने हो भने, मृत्त छालाहरु हटाएर अनुहारलाई सधैँ फ्रेस तथा जवान देखाउँछ ।
– एसिडिटी, ग्याष्ट्रिक जस्ता समस्यामा तामाको पानी पिउनु अमृतसमान हुन्छ ।
– तामाको भाँडामा राखिएको पानीले उच्च रक्तचाप, कोलोस्ट्रोर नियन्त्रण गर्छ ।
