दुधको व्यवस्थापन गर्ने एक मात्र सरकारी निकाय नै हो दुग्ध विकास संस्थान अर्थात डिडिसी । तर अहिले यहि डिडिसीका भटाभट चरम लापरबाहीहरु सार्वजनिक भइरहँदा खराब नेतृत्वले कसरी संस्था डुब्न सक्छ र कसरी बदनाम बन्छ भन्ने छर्लङ्ग पारेको छ ।
व्यवसायमा राज्यले सहजिकरण नगर्दा घाटा भएपछि व्यापारीले आत्मदाह गर्ने र आफ्नो परिश्रम अनुसारको मूल्य नपाउँदा किसानले सडकमा तरकारी र दुग्धजन्य वस्तु फालेर विरोध गर्ने क्रम व्याप्त छ । जसमध्ये शरिरमा पेट्रोल छर्केर आत्मदाह गर्ने घटना पछिल्लो समय चर्चामा छ । यसरी आत्मदाह गर्नेहरु उद्यमी र किशानलाई निरुत्साहित गर्न उनीहरुको व्यवसाय र पेशको संरक्षण गर्नु र कसैले कोसिस गरे सम्झाईबुझाई गर्नु राज्यको दायित्व हो ।
तर, दुधको व्यवस्थापन गर्ने देशको एकमात्रै सरकारी संस्था डिडिसीले किसानलाई आत्मदाह गर्न भन्दै उल्टै धम्क्याएको छ । डिडिसीको बालाजु शाखाका म्यानेजर गणेशप्रसाद यादवले दुधको पैसा नदिए आत्मदाह गर्छु भन्ने किसानलाई उल्टै मर्न पेट्रोल दिने भन्दै धम्क्याएका छन् ।
यो दृश्य डिडिसीको बालाजु शाखामा कृषक र म्यानेजर बिच भएको विवादको हो । जुन विवादका क्रममा म्यानेजर यादवले आत्मदाह गर्ने हो भने पेट्रोल ल्याईदिने भन्दै कृषक धम्क्याए। सरकारी संस्थाको कुर्सीमा बसेर कृषकलाई यसरी धम्क्याउने यि म्यानेजरले कृषकको करिब ९ लाख बराबरको दुध अखाद्य भएको भन्दै फालिदिएपछि विवाद सिर्जना भएको थियो । २२ वर्षदेखी नियमित दुध दिईरहेका किसानको ९ करोड रुपैयाँ दिन नसकेपछि उनले दुध फालिदिएको त्यहाँका कर्मचारीहरुले नै बताएका छन् ।
डिडिसी बालाजु शाखाको म्यानेजरको यो हर्कत पद र मर्यादाको विपरित छ । कृषकलाई पैसा दिन नसकेर दुध पोखिदिने र अखाद्य भएको भन्दै फर्काउने निच काममा म्यानेजर यादव उत्रिएका थिए । यसरी म्यानेजर यादवको हर्कत र कृषकहरु प्रति तुच्छ व्यवहार गर्नुको एउटै कारण चाँहि डिडिसी प्रमुख सञ्जिबकुमार झा हुन् । डिडिसीको महाप्रबन्धक भएर बसेका सञ्जिबकुमार झाले मनपेट दिएकै कारण बालाजु म्यानेजर यादवले कृषकलाई धम्काएका हुन् ।
डिडिसीलाई लुटेर खोक्रो बनाउनतर्फ लागेका महाप्रबन्धक झाले आफ्नो आसेपासेका मान्छे राखेर कृषकहरुलाई दुख दिएको यस अघि नै उजागर गरिसकेका छौं । सञ्जिबको हर्कत त कतिसम्म थियो भने, कानुनले भारतबाट नेपालमा खुला दुध ल्याउन नपाइने भने पनि उनले सिममा संकलन केन्द्र राखेर भारतीय दुध नेपालमा ओसार्थे ।
अझ विडम्बना भारतीय किसानको पैसा तिर्न उनको हात कहिल्यै खाली भएन । तर स्वदेशी कृषकको पैसा चाँहि महाप्रबन्धक झाले पनि नदिएको आरोप छ । तर झा भने म्यानेजरलाई परिचालित गरेर कृषक ठगेको भन्ने प्रश्नमा यस्तो जवाफ दिन्छन् ।
महाप्रबन्धक सञ्जिबकुमार झाले चिस्यान केन्द्रका कर्मचारीहरुलाई समेत परिचालित गरेर दुग्ध विकास संस्थानलाई ठगेको प्रमाण सगरमाथा टेलिभिजनले फेला पारेको छ । जुन केही समयक्रम संगै पर्दाफास हुनेछ। नेतृत्वमा सञ्जिबकुमार झा आएपछि डिडिसीको अधोगती शुरु भएको छ। कुनैबेला नेपालको दुग्धजन्य पदार्थको व्यापारमा ७० प्रतिशत भाग ओगटेको डिडिसी सञ्जिबको नेतत्वपछि ३० प्रतिशतमा खुम्चिएको छ ।
तरपनि सञ्जिब र उनको मनपेट पाएर मनपरी गर्ने कर्मचारीलाई राज्यले कारबाही गर्न नसक्दा मजदुर र कृषकहरु मारमा परेका छन् । यतातर्फ राज्यको ध्यान कहिले जाला रु यो हाम्रो चासो सहितको खबरदारी पनि हो ।
