धेरै मानिसमा बिर्सने समस्या हुन्छ । यदि कसैमा धेरै मात्रामा भूल्ने र बिर्सने समस्या छ भने उसको खानामा पौस्टिक तत्वको अभाव रहेको छ भन्ने बुझ्न सकिन्छ । हाम्रो मस्तिष्कको विकासको लागि केही खानेकुरा खान महत्व पूर्ण मान्छिन् । जसको नियमित प्रयोगले स्मरण शक्तिको विकास गर्न सकिन्छ ।
– गोलभेँडामा प्रोटिन, भिटामिन, तथा विभिन्न खाले लवण जस्ता तत्व पाइन्छ । यसमा कार्बोहाइड्रेटको मात्रा कम हुन्छ । गोलभेँडामा हुने लाइकोपिन तत्वले सरीरमा स्वतन्त्र रेडिकल्सको सुरक्षा गर्दछ र मस्तिष्क कोषको क्षयिकरण रोक्दछ ।
– ओखरमा ओमेगा थ्री फ्याट्टी अम्ल, प्रोटिन, फाइबर, एन्टी अक्सिडेन्ट जस्ता आवश्यक तत्व पाइन्छ । जो मानिस दिनहुँ ओखर सेवन गर्छन् उनीहरुमा स्मरण शक्तिको बढोत्तरी हुन्छ ।
– दहीमा पाइने एमिनो एसिडले दिमागी तनाव कम गरी स्मरण शक्तिमा बढोत्तरी गर्न सघाउ पु¥याउँछ । यसले शरीरमा लाभदायी जिवाणुलाई समेत फाइदा पु¥याउँछ भने हानिकारक जिवाणुलाई नष्ट गर्न सहयोग गर्छ ।
– जाइफलको सेवनले सरीरलाई चिसोबाट बचाउने मात्र होइन यसमा हुने विशेष तत्वले मस्तिष्कलाई स्वस्थ राख्न तथा स्मरण शक्ति बढाउन मद्दत गर्छ ।
– मसलाको रुपमा तुलसीका पातको प्रयोग निकै लाभदायक हुन्छ । छिटो भुल्ने समस्या भएका मानिसले दिनको २÷३ तुलसीको पात खाँदा त्यसले फाइदा गर्छ ।
– स्ट्रबरीमा प्रसस्त मात्रामा पाइने एन्टी अक्सिडेन्टसले मस्तिष्कका कोषको क्षयिकरण हुनबाट बचाउँछ ।
