एजेन्सी । छिमेकी देश भारतले आजदेखि डिजिटल मुद्राको कारोबार सुरु गरेको छ । बजेट भाषणमा घोषणा गरेको डिजिटल मुद्राको कारोबार भारतले आजदेखि सुरु गरेको भारतीय सञ्चारमाध्यमहरुले उल्लेख गरेका छन् ।
भारतीय रिजर्ब बैंक (आरबीआई)ले १ नोभेम्बर आज (मंगलबार) देखि परीक्षणका रुपमा प्रचलनमा ल्याएको भारतीय सञ्चारमाध्यमहरुले उल्लेख गरेका छन् ।
आरबीआईले परीक्षणका क्रममा होलसेल ट्रान्जेक्सन र क्रस बोर्डर पेमेन्टमा यस्तो मुद्रा प्रचलनमा ल्याएको छ। आरबीआईले यस परीक्षणका लागि ९ वटा बैंकहरु समावेश गरेको जनाइएको छ ।
डिजिटल करेन्सी प्रचलनमा आएपनि तत्काल भौतिक मुद्रा भने प्रचलनबाट हराउने छैन। पहिलो चरणमा ठूलो कारोबारमा आएको डिजिटल मुद्रा आम सर्वसाधारणमा प्रचलनमा आउन भने समय लाग्ने सञ्चारमाध्यमहरुमा उल्लेख गरेको छ ।
