काठमाडौं । सामाजिक सञ्जाल ट्वीटरका नयाँ मालिक एलन मस्कले निलो टिकसहितको प्रमाणित ट्वीटर अकाउन्ट हुनेहरुलाई मासिक ८ डलरको शुल्क लगाउने घोषणा गर्नुभएको छ ।
गत साता ट्वीटरको पूर्ण स्वामित्व लिएका मस्कले नक्कली अकाउन्टहरु नियन्त्रण गर्नका लागि यो कदम आवश्यक रहेको तर्क गर्नुभएको छ । शुल्क तिर्ने सेवाग्राहीलाई सेवामा पनि प्राथमिकता हुने पनि उहाँको भनाइ छ ।
अहिलेसम्म राजीतिक नेताहरु, कलाकारहरु, धनाढ्य ब्यापारीहरु, पत्रकारलगायतले एउटा संक्षिप्त अनलाईन फर्म भर्ने प्रक्रिया पूरा गरी नामको पछाडि नीलो टिकसहितको अकाउन्ट प्रयोग गर्दै आएका छन् । त्यसलाई मस्कले मालिक र मजदुर जस्तो ब्यवहार भन्दै आलोचना पनि गर्नुभएको छ ।
आलोचकहरुले भने मासिक शुल्क उठाउने प्रक्रिया सजिलो र ब्यवहारिक नभएको भन्दै मस्कको आलोचना गरेका छन् ।
