१. मृत्यु पश्चात जुन ग्रहमा प्रवेश गर्नु छ त्यहाँ पुग्नु अघि नै जीवनकालमा अहङ्कारलाई आफूबाट निकाली फ्याँकिदेऊ । यस्तो योगाभ्यास गर जसबाट तिम्रो जीवन कालमा नै अहम्ले यस शरीरबाट निस्केर जाओस् ।
२. केवल मौखिक सेवाले तिमी स्वर्ग पुग्न सक्दैनौ । सत् व्यवहारबाट नै तिम्रो मुक्ति हुनेछ । हे नानक ! मिथ्या तत्वबाट केवल मिथ्या नै उत्पन्न हुन्छ ।
३. पाँच प्रार्थना छन् । प्रार्थनाका पाँच समय छन् र तिनका पाँच नाम छन् । प्रथम सत्य, द्वितीय यथार्थता, तृतीय ईश्वरको नाउँमा दया, चौथो सद्विचार र पाँचौँ ईश्वरको स्तुति र गुणगान ।
४. मनको भाँडा धोएर घाममा सुकाऊ अनि त्यसमा दूध लन जाऊ । शुभ कर्म नै दूध हो । सुर्ता जोरन हो । निष्काम भएर दूध जमाऊ । निद्रा नलाग्नु नै मदानीको नेती होस् । जिभ्रोले नाम जप्नु नै दही मथ्नु होस् । यसरी नै नौनी रुपी अमृत सँगालेर झिक्नु ।
५. लाख पटक सोच्नु व्यर्थ छ यदि एक पटक पनि काम गर्दैनौ भने । जब कि विनय नै शब्द हो, सहनशीलता गुण र अनुनय अमूल्य रत्न हो ।
६. अशुद्ध वस्त्रले प्रभुलाई प्रसन्न पार्दैनन् । अतः ईश्वरको शुद्ध स्वच्छ ओछ्यानमा कसरी जान सक्छु ? हे दयानिधान, तिमीमा मेरो बलिदान होस्, तिमीप्रति मेरो प्रेम सदा बलिदान होस् ।
साभारः ‘महापुरुषहरुका अमर वाणी’ पुस्तकबाट
