काठमाडौं । नेपाली कांग्रेसका महामन्त्री विश्वप्रकाश शर्माले आफ्नो पार्टीले संसदलाई पाँच वर्ष स्थिर राख्ने विषय घोषणापत्रमै उल्लेख गरेको बताएका छन् ।
घोषणापत्रमै संसद् विघटन नगर्ने प्रतिवद्धता समावेश रहेको भन्दै शर्माले घोषणापत्र निरन्तरतामा नवीनता रहेको दाबी गरे ।
घोषणापत्रले सम्पूर्ण क्षेत्रका मानिसको माग सम्बोधन गरेको उनले बताए । घोषणापत्र सार्वजनिक कार्यक्रमलाई सम्बोधन गर्दै महामन्त्री शर्माले भने( हामीले आम मानिसलाई केन्द्रमा राखेर घोषणापत्र बनाएका छौं ।
खेलाडी, अपांगता भएका, साहित्य, सिनेमा, कला क्षेत्रका सबैको प्रतिनिधित्व घोषणापत्रले गरेको छ । संविधानको स्वामित्व कांग्रेसले लिने भन्दै शर्माले भने ठुलठुला उपलब्धि कांग्रेसले ल्याएको हो, यसमा आवश्यकता अनुसार सानो सानो सुधार गर्छौ ।
मन्त्री भएपछि सम्पत्ति सार्वजनिक गरिने विषय घोषणापत्रमा उल्लेख भएको उनले बताए । फोहोरलाई दीर्घकालीन समाधान, मलको अभाव, भूमि समस्या हल गर्ने विषय घोषणापत्रमा समावेश गरिएको शर्माले बताए ।
