१. न त धनको मूल्य छ न नाम र यशको । यदि कोही दृढ चरित्रवाला छ भने उसलाई कसैले अमर हुनबाट रोक्न सक्दैन ।
२. कर्म गर्नु ज्यादै असल हो तर यो विचारबाट आउँछ । त्यसैले आफ्नो मस्तिष्कलाई उच्च विचार र उच्चतम आदर्शले भरिपूर्ण पार, तिनलाई दिनरात आफ्नो नजिक राख, तिनैबाट महान् कार्यको जन्म हुनेछ ।
३. तिमीले अब महावीरको जीवनलाई आफ्नो आदर्श बनाउनुपर्नेछ । देख्यौ तिनले कसरी श्री रामचन्द्रको आज्ञामात्रले विशाल समुद्र पनि नाघे । उनलाई जीवन र मृत्युसँग कुनै नाता राख्नु थिएन । उनी पूर्ण रुपमा इन्द्रिय जयी थिए र उनको प्रतिभा अद्भूत थियो । अब तिमीले आफ्नो जीवनलाई दास्य–भक्तिको त्यस महान् आदर्शमाथि उभ्याउनु पर्नेछ । त्यसको माध्यमबाट क्रमशः अरु सबै आदर्श जीवनमा प्रकाशित हुनेछन् ।
४. गुरुको आज्ञाको सर्वतोभावेन पालन पन अटुट ब्रह्मचर्य, मात्र यिनै सफलताका रहस्य हुन् । हनुमान एकातिर जसरी सेवादर्शका प्रतीक हुन्, त्यसैगरी अर्काेतिर सिंहविक्रमका पनि प्रतीक हुन् । सारा संसार उनको सम्मुख श्रद्धा र भयले शिर निहुराउँछ ।
५. दृढ सङ्कल्प गर कि तिमीले कसैलाई श्राप दिने छैनौ, कसैलाई दोष दिनेछैनौ । तर तिमी मनुष्य बन, उभिऊ र स्वयम्लाई नै दोष देऊ । आफूति ध्यान नै नदेऊ, यो नै जीवनको पहिलो पाठ हो, यही सत्य कुरा हो ।
६. मेरो साहसी युवक ! यो विश्वास राख कि तिमी नै सर्वस्व हौ । महान् कार्य गर्नका लागि धरामा आएका छौ । गिद्धे घुर्किबाट नडराऊ । बज्रप्रहार नै परे पनि निडर भई उभिनु र काममा जुट्नु ।
साभारः ‘महापुरुषहरुका अमर वाणी’ पुस्तकबाट
