आचार्य चाणक्य प्राचीन भारतवर्षका बुद्धिमान्, चतुर र प्रसिद्ध अर्थशास्त्री थिए । उनले बताएका नीतिहरू अहिलेसम्म पनि सान्दर्भिक छन् । यदि हामीले चाणक्यका नीतिहरूलाई अनुसरण ग-यौँ भने कुनै पनि काम शुरु गर्नमा दुविधा रहँदैन ।
१ कुनै पनि काम शुरु गर्नुअघि मनमा काम शुरु गर्ने समय र स्थान, उक्त कामका लागि लगानी गर्नसक्ने सम्पत्ति र समर्थन गर्ने मानिसहरू जस्ता कुराहरु मनमा खेलाउनुपर्छ ।
२ कुनै पनि काम शुरु गर्नुभन्दा पहिला उक्त काम गर्न सक्ने क्षमता आफूमा छ कि छैन ? त्यसको लेखाजोखा राम्रोसँग गर्नुपर्छ । यदि त्यस्तो गरिएन भने खतरामा पर्ने सम्भावना प्रबल रहन्छ ।
३ सफलता र असफलता भन्ने कुरा जिभ्रोमा भरपर्छ । जति मीठो बोल्न सकियो त्यति धेरै फाइदा हुन्छ ।
४ सबैसँग राम्रो व्यवहार गर्न गर्दा दुश्मन पनि साथी बन्न सक्छन् । यदि यस्तो गर्न सकियो भने सफल हुनबाट कसैले रोक्न सकदैन ।
५ कुनै पनि कामबाट सफलता पाउन सबैभन्दा पहिला त शरीर स्वस्थ हुनुपर्छ । भगवानले दिएको उपहार हो शरीर । त्यसैले कुनै नयाँ काम शुरु गर्नुअघि आफू स्वस्थ छु कि छुइन हेर्नुस् ।
६ विवाह गरेका हर पुरुषले नयाँ काम शुरु गर्दा श्रीमतीसँग सल्लाह लिनु र सकेसम्म उनीलाई पनि आफ्नो काममा सामेल गराउने र जिम्मेवार बनाउनु उपयुक्त हुन्छ । उनले उचित सल्लाह नै दिन्छिन् ।
७ काम शुरु गर्नुअघि आफ्ना विचार कसैसँग पनि बाँड्नुहुँदैन, काम गरेरै देखाउनुपर्छ । यसरी कामै शुरु नगरी प्लान अरूलाई सुनाउँदा कहिल्यै सफला पाउन सकिँदैन ।
८ जिन्दगीमा सफल हुनका लागि कहिलेकाहीँ कडा निर्णय पनि लिनुपर्ने हुन्छ यस्तोमा आफ्नो आँट र साहस देखाउन पछि पर्नु हुँदैन ।
एजेन्सी
