जाडो मौसममा सागसब्जीले बजार भरिभराउ हुन्छ । रायोदेखि चम्सुर, पालुङ्गो लगायतका अनेकौँ साग बजारभरी देख्न सकिन्छ । यस्ता सागसब्जी खानमा जति स्वादिला हुन्छन्, यसमा रहेको पौष्टिक तत्वले शरीरलाई त्यति नै पोषण प्रदान गर्छन् । यस्तै हरियो सागसब्जी मध्येको मेथीको साग खानाले हाम्रो शरीरलाई पुग्ने फाइदाहरु निम्नानुसार छन्—
– मेथीको हरियो साग खानाले पाचन तन्त्रले सुचारु रुपमा काम गर्छ र कब्जियत, ग्यास लगायतका समस्याबाट मुक्ति दिलाउँछ ।
– मेथीको साग खानाले जोर्नीको दुखाईसमेत कम हुन्छ ।
– पेटमा किरा परेमा पनि मेथीको सेवन प्रभावकारी मानिन्छ । मेथीको पत्तिलाई पिसेर त्यसबाट निकालिएको रसलाई प्रत्येक दिन सेवन गरेमा पेटको किराको समस्या कम हुने गर्छ ।
– मेथीले चिसो लाग्नबाट शरिरलाई जोगाउँछ । प्रत्येक दिन यसलाई कुनै न कुनै विधिबाट सेवन गर्नाले चिसो लाग्दैन र, चिसोका कारण हुने विभिन्न संक्रमणबाट बच्न सकिन्छ ।
– प्रत्येक दिन मेथीको पत्ताको रस निकालेर पिएमा यसले रगतमा चिनीको मात्रालाई नियन्त्रण गर्न सघाउ पु¥याउने हुँदा मधुमेहका बिरामीका लागि पनि मेथी निकै फाइदाजनक मानिन्छ ।
– मेथीलाई पिसेर लगाउनाले अनुहार चमकदार र कसिलो हुन्छ साथै, यसले छाला नरम बनाउने हुँदा सुख्खा छाला भएका व्यक्तिहरुका लागि पनि मेथी निकै उपयोगी मानिन्छ ।
– मेथीको पत्तामा प्याज हालेर खाएमा उच्च रक्तचापको समस्या कम हुने गर्छ भने न्यून रक्तचाप भएका व्यक्तिका लागि मेथी मिसाइएको तरकारी निकै लाभदायक मानिन्छ ।
– नियमित रुपमा मेथीको सेवनले मुटुसम्बन्धी समस्या कम गर्न मद्दत गर्नुको साथै हृदयघातको सम्भावनालाई न्यून बनाई शरीरलाई स्वस्थ राख्न मद्धत गर्छ ।
– बारम्बार पिसाब लागेमा मेथीको पत्ताको रसलाई सेवन गरेमा यो समस्या कम हुने गर्छ ।
– नियमित रुपमा मेथीको सेवनले तौल नियन्त्रित राख्न मद्दत गर्नुको साथै शरीरमा जमेको अनावश्यक बोसो क्रमिक रुपमा कम हुँदै जान्छ ।
