श्याम र राम स्कुल जाँदा बाटोमा गफ गर्दै—
श्यामः हिँजो मैले अनौठो कुरा देखेँ नि !
रामः के हो त्यस्तो अनौठो कुरा ?
श्यामः मैले हिँजो कुखुराले अण्डा पारेको देखेँ नि !
रामः यस्तो सानो कुरा पनि सुनाउने हो ?
श्यामः के को सानो कुरा ? सक्छस् भने तँ पारेर देखा त ।
सर त्यो पर्खाल
कक्षामा शिक्षकले पढाइरहेका बेलामा रमेश हल्ला गरिरहेको थियो ।
शिक्षकः रमेश तँ अघिदेखि हल्ला गरिरहेको छस् । ल भन त १० फिट अग्लो पर्खाल लगाउन १० जनालाई ८ घण्टा लाग्छ भने ४ जनालाई कति घण्टा लाग्छ ?
रमेशः सर १ मिनेट पनि लाग्दैन ।
शिक्षकः कसरी ?
रमेशः सर ! त्यो पर्खाल त अघि नै १० जनाले लगाइसके नि ।
साभारः ‘हँसाउने जोक्स’ पुस्तकबाट
