काठमाडौं । जिल्ला प्रहरी कार्यालय सिराहामा कार्यरत एक प्रहरी जवानलाई कार्यालय परिसरभित्रै हात खुट्टा बाँधेर गरिएको अमानवीय क्रियाकलापको छानबिनका लागि समिति गठन गरिएको छ । डीएसपी ज्ञानकुमार महतोको संयोजकत्वमा ५ सदस्यीय छानबिन टोली गठन गरेको प्रदेश प्रहरी कार्यालयका प्रवक्ता एसपी महेन्द्रकुमार श्रेष्ठले जानकारी दिए ।
मधेस प्रदेश प्रहरी प्रमुख प्रहरी नायव महानिरीक्षक जनक भट्टराईका अनुसार उक्त घटनाका बारेमा सुचना प्राप्त भएपछि घटनाको छानबिनका लागि समिति गठन गरिएको जानकारी दिए । बुधबार जिल्ला प्रहरी कार्यालय सिरहाको नव निर्मित आवास भवन उद्घाटनको लागि आएका उनले घटनाको जानकारी प्राप्त भएलगतै छानबिनको लागि समिति गठन गरेको बताए ।
छानविन समितिको प्रतिवेदन आएपछि दोषिलाई कानुनबमोजिमको कारबाही हुने उनको भनाइ छ ।
प्रहरी जवान अनु रायलाई मंगलबार सांझ हात पछाडि बाँधेर यातना दिएको भिडियो सार्वजनिक भएको भिडियो भाइरल भएपश्चात मातहतका इन्सपेक्टर उक्त घटनामा मुछिएका छन् ।
रायलाई आफ्नै कार्यालयका प्रहरी निरिक्षक हेमन्त राईले हातखुट्टा बाँधेर यातना दिएका थिए । सामाजिक संजालमा सार्वजनिक भएको थिडियोमा पिडित प्रहरी जवानले आँफूले कुनै गल्ति नगरेको र रक्सि पनि नखाएको बताउँदै बाँधिएका हात खुल्ला गरिदिन अनुरोध गरेका थिए । तर त्यो कुरालाई प्रहरी निरिक्षक हेमन्त राईले वास्ता नै गरेका थिएनन् । पिडित रायले रक्सि खाए न खाएको परिक्षण गर्नुहोस, रिपोर्टमा देखिन्छ भनेपछि परिक्षण गर्दा मेडिकल रिपोर्टमा रक्सि नखाएको पुष्टि भएको छ ।
प्रहरी जवान रायले अधिक ड्युटी गराएको गुनासो गर्न इन्स्पेक्टर राइकामा पुगेका बखत इन्स्पेक्टर राईले गाली गलौज गर्दै हातखुट्टा बाँधेर १२ घण्टासम्म यातना दिएको दाबी गरिएको छ । रायका आफन्तले न्यायको लागि अदालत जाने बताएका छन् ।
यस्तो गतिविधिले प्रहरी सेक्टरमा माथिल्लो दर्जाका कर्मचारीहरुले तल्लो दर्जाका कर्मचारीहरुलाई शोषण गरिएको देखिएको छ ।
