काठमाडौं । प्रधानमन्त्री एवं नेपाली कांग्रेसका सभापति शेरबहादुर देउवाले देश गम्भीर मोडमा उभिएको बताएका छन् । आइतबार धनगढीमा पाँच दलीय गठबन्धनमा आवद्ध दलहरूको सुदूरपश्चिमस्तरीय प्रशिक्षण कार्यक्रमलाई सम्बोधन गर्दै उनले यस्तो बताएका छन् । चुनावपछि देश कता जाने भन्ने गम्भीर मोडमा रहेको बताउँदै उनले नेपालको संविधान, गणतन्त्रको रक्षाको लागि गठबन्धनलाई जिताउन जरुरी रहेको बताए ।
नेकपा एकीकृत समाजवादीका अध्यक्ष माधव नेपालले आफूहरुले पवित्र उद्देश्यबाट निर्देशित भएर गठबन्धन बनाएको बताएका छन् । आज (आइतबार) धनगढीमा आयोजित सत्ता गठबन्धनको संयुक्त चुनावी सभालाई सम्बोधन गर्दै उनले संविधान, लोकतन्त्र र गणतन्त्रको रक्षाका लागि आफूहरुले गठबन्धन गरेको जिकिर गरे ।
सत्तारुढ नेकपा माओवादी केन्द्रका अध्यक्ष पुष्पकमल दाहाल प्रचण्डले मंसिर ४ को चुनावमा सत्ता गठबन्धनले नजिते देश दुर्घटनामा जाने बताएका छन् । कैलालीको धनगढीमा आज (आइतवार) आयोजित सत्ता गठबन्धनको कार्यकर्ता भेला र प्रशिक्षण कार्यक्रमलाई सम्बोधनका क्रममा उनले यस्तो चेतावनी दिएका हुन् ।
पूर्व प्रधानमन्त्री डा। बाबुराम भट्टराई नेतृत्वको नेपाल समाजवादी पार्टी ९नेसपा०ले चुनावी घोषणा पत्र सार्वजनिक गरेको छ । आइतबार पार्टीले घोषणा पत्र सार्वजनिक गरेको हो । पटक पटक प्रधानमन्त्री भइसकेका व्यक्तिले संसदीय चुनावमा भाग लिनुपर्ने आवश्यकता नरहेको भन्दै आसन्न प्रतिनिधि तथा प्रदेशसभा निर्वाचनमा उम्मेदवारी नदिएका भट्टराईले पार्टीको घोषणा पत्र सार्वजनिक गरेका छन् ।
नेपाली कांग्रेसले सोमबार चुनावी घोषणापत्र सार्वजनिक गर्ने भएको छ । आइतबार घोषणापत्र सार्वजनिक गर्ने भनिएपनि कांग्रेसले सोमबार मात्रै घोषणापत्र सार्वजनिक गर्ने भएको हो । सोमबार बिहान साढे १० बजे प्रधानमन्त्री समेत रहेका कांग्रेस सभापति शेरबहादुर देउवाले घोषणापत्र सार्वजनिक गर्ने भएका हुन् ।
नेकपा माओवादी केन्द्रको चुनावी घोषणापत्र तिहार सकिएपछि आउने भएको छ । घोषणापत्र तयार भएर प्रुफ हेरेर अध्यक्ष पुष्पकमल दाहाल ‘प्रचण्ड’कहाँ पुगेको छ । अब सुझावका लागि पदाधिकारीहरुकहाँ पठाउने र प्राप्त सुझावका आधारमा थप परिमार्जन भएपछि मात्र घोषणापत्रले अन्तिम रुप लिनेछ ।
नेपालमा कोरोना भाइरसको नयाँ सब भेरियन्ट ९एक्सबीबी० पनि पुष्टि भएको छ । स्वास्थ्य तथा जनसंख्या मन्त्रालयले राष्ट्रिय जनस्वास्थ्य प्रयोगशालामा गरिएको जिनोमिक सिक्वेन्सिङका क्रममा एक जना नेपालीमा नयाँ सब भेरियन्ट एक्सबीबी पुष्टि भएको जनाएको हो ।
आईसीसी पुरूष टि–२० विश्वकप अन्तरगत भारत र पाकिस्तानविरुद्धको रोमाञ्चक खेलमा भारतले ५ विकेटको जित हात पारेको छ । बिराट कोहलीको उत्कृष्ट ब्याटिङको मद्दतमा भारतले हारको मुखबाट जित निकाले हो । पाकिस्तानले दिएको १६० रनको लक्ष्य भारतले ५ विकेट गुमाएर अन्तिम बलमा पुरा गरेको हो ।
सिङ्गापुरमा शनिबार कोभिड–१९ का छ हजार तीन सय ३९ जनामा कोरानाको नयाँ सङ्क्रमित भएका छन् । यसैसगै देशमा कोभिड १९ सङ्क्रमितका कुल सङ्ख्या बीस लाख ५९ हजार सात सय नौ जना पुगेका छन् ।
